უკრაინაში არსებულ ვითარებაზე ოთხმხრივი მოლაპარაკება მინსკში 11 თებერვალს გაიმართება

2015-02-08 18:49:14, 1253 ნახვა

მსოფლიო

უკრაინის, რუსეთის, გერმანიისა და საფრანგეთის ლიდერები უკრაინაში არსებულ ვითარებაზე მოლაპარაკებებს კიევში 11 თებერვალს გამართავენ.

„ბი ბი სის“ ინფორმაციით, აღნიშნული გადაწყვეტილება დღეს მხარეებმა ოთხმხრივი სატელეფონო საუბრის შემდეგ მიიღეს.

რაც შეეხება სატელეფონო მოლაპარაკებებს, უცხოურ მედიასთან კომენტარი გერმანიის კანცლერის პრეს-მდივანმა შტეფან ზაიბერტმა გააკეთა.

მისი თქმით,სატელეფონო მოლაპარაკებებისას, ოთხი ქვეყნის ლიდერებმა უკრაინაში არსებული ვითარების დეესკალაციისათვის განსახორციელებელი ღონისძიებები განიხილეს.

შეგახსენებთ, რომ დღეს გერმანიის კანცლერი ანგელა მერკელის, საფრანგეთის პრეზიდენტი ფრანსუა ოლანდის, უკრაინის პრეზიდენტი პეტრო პოროშენკოს და რუსეთის პრეზიდენტი ვლადიმერ პუტინის ოთხმხრივი სატელეფონო საუბარი შედგა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან