გარემოს დაცვისა და სოფლის მეურნეობის სამინისტროში საქართველოში ნარჩენებისა და ქიმიური ნივთიერებების მართვის შესახებ ფაქტების-მოძიების მისიის ანგარიშის პრეზენტაცია გაიმართა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, პრეზენტაციას გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი დაესწრო.

მათივე ცნობით, საქართველოში ნარჩენებისა და ქიმიური ნივთიერებების მართვის შესახებ ფაქტების-მოძიების მისიის ანგარიში სტოკჰოლმის გარემოს დაცვის ინსტიტუტის (SEI) მკვლევრების და მსოფლიოს სხვადასხვა ქვეყნიდან მოწვეული ექსპერტების მიერ მომზადდა.

სოლომონ პავლიაშვილმა მადლობა გადაუხადა შვედეთის საერთაშორისო განვითარების თანამშრომლობის სააგენტოს (Sida) და შვედეთის საელჩოს საქართველოში ნარჩენების და ქიმიური ნივთიერებების მართვის მიმართულებით გაწეული მხარდაჭერისთვის და ყურადღება ანგარიშის ფარგლებში წარმოდგენილი სამინისტროს ინსტიტუციონალური სტრუქტურის, ფუნქციებისა და ტექნიკური შესაძლებლობების ანალიზის მნიშვნელობაზე გაამახვილა.

„დღეს წარმოდგენილი ანგარიში განსაკუთრებული მნიშვნელობისაა. წარმოდგენილი ხედვა საშუალებას იძლევა ქვეყანაში გაძლიერდეს ნარჩენების მართვის პოლიტიკა, მისი რეგულირება, მონიტორინგი და აღსრულება. აღნიშნულ პროცესში განსაკუთრებული ყურადღება ეთმობა საზოგადოებისთვის სერვისების ხელმისაწვდომობის ეფექტიანი უზრუნველყოფის საკითხს. ვფიქრობ, შვედეთის საერთაშორისო განვითარების თანამშრომლობის სააგენტოსთან მჭიდრო თანამშრომლობით, შევძლებთ სასურველი შედეგის მიღებას“, - განაცხადა სოლომონ პავლიაშვილმა.

პროექტის მიზანს ნარჩენებისა და ქიმიური ნივთიერებების მართვის პრაქტიკის ეფექტიანობის და ფუნქციონირების გაზრდით, საქართველოს ევროკავშირთან ასოცირების შეთანხმებით ნაკისრი ვალდებულებების შესრულებაში დახმარება წარმოადგენს.

„შვედეთი საქართველოს აქტიური მხარდამჭერია ნარჩენების და ქიმიური ნივთიერებების მართვის გაუმჯობესების მიმართულებით. ვფიქრობ, მომზადებული დოკუმენტი დაეხმარება ქვეყანას ნარჩენების მართვის პოლიტიკის გაუმჯობესების პროცესში“,- განაცხადა შვედეთის საერთაშორისო განვითარების თანამშრომლობის სააგენტოს ხელმძღვანელმა ერიკ ილესმა.

შეხვედრას საქართველოში შვედეთის საელჩოს გარემოსდაცვითი პროგრამის ხელმძღვანელი ხათუნა ზალდასტანიშვილი და სამინისტროს სისტემაში შემავალი შესაბამისი უწყების და სამსახურების წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა