C ჰეპატიტის ელიმინაციის პროგრამა ერთ-ერთი ძალიან მნიშვნელოვანი მიზნობრივი პროგრამაა, რომელიც ქვეყანაში, 2015 წლიდან, ამოქმედდა და ათასობით ადამიანის სიცოცხლე გადაარჩინა. შექმნის დღიდან, მკურნალობაში ჩაერთო 81,184 ადამიანი, აქედან, უკვე განიკურნა 56772 პაციენტი. თუ, 2015 წელს, დაავადების მაჩვენებელი, მოსახლეობის 5.4% იყო, 2021 წელს,  შემცირდა 1.8% მდე,  ანუ 67%-ით. ეს იყო მართლაც გარდამტეხი პროგრამა, რომელმაც დიდი საერთაშორისო აღიარება მოიპოვა. 2025 წლის ბოლოსთვის, გვექნება შესაძლებლობა, ვისაუბროთ C ჰეპატიტის სრულ ელიმინაციაზე“, - ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ განაცხადა.

თამარ გაბუნიას განმარტებით, წლიდან წლამდე, იზრდება პროგრამის ბიუჯეტი, რადგან მიზნობრივი პროგრამებისა და მათ შორის, C ჰეპატიტის ელიმინაციის ეფექტურად განსახორციელებლად აუცილებელია შესაფერისი რესურსების მობილიზება, თანამედროვე დიაგნოსტიკური საშუალებების სწრაფად დანერგვა და ახალ მედიკამენტებზე ხელმისაწვდომობა.  

„ამ მზარდი რესურსებით, სახელმწიფო სრულად უზრუნველყოფს, რომ მოქალაქეებმა ისარგებლონ საყოველთაო ჯანმრთელობის დაცვის, თუ სხვა მიზნობრივი და საზოგადოებრივი ჯანდაცვის პროგრამებით. ამით, მოსახლეობას შესაძლებლობას ვაძლევთ, მიიღონ როგორც პრევენციული სერვისები, ისე დაცულები იყვნენ საზოგადოებრივი ჯანდაცვის რისკებისგან, ვგულისხმობ, ტუბერკულოზს, აივ/შიდსს, C ჰეპატიტს, B ჰეპატიტს“, - განაცხადა თამარ გაბუნიამ. 

აღსანიშნავია, რომ 2023 წლის ჯანდაცვის პროგრამების ბიუჯეტი 1 451 747 000 ლარია, აქედან, 880 მილიონი ლარით საყოველთაო ჯანმრთელობის დაცვის სახელმწიფო პროგრამა, დანარჩენი თანხით კი სხვადასხვა მიზნობრივი, თუ საზოგადოებრივი ჯანდაცვის პროგრამები, მათ შორის - C ჰეპატიტის ელიმინაციის პროგრამა დაფინანსდება. 

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა