ქედაში, „სოფლის მხარდაჭერის პროგრამის“ ფარგლებში მოსახლეობასთან შეხვედრები გრძელდება

2023-03-22 09:53:26, 1596 ნახვა

რეგიონი

ქედის მუნიციპალიტეტის მერიის ინფორმაციით, “სოფლის მხარდაჭერის პროგრამის” ფარგლებში მოსახლეობასთან შეხვედრები გრძელდება.

ქედის მუნიციპალიტეტის მერი როლანდ ბერიძე, მაჟორიტარი ლევან ვერძაძე და წარმომადგენელი რეზი ვარშანიძე მახუნცეთის ადმინისტრაციულ ერთეულში სოფელი ზუნდაგის, ქვედა და ზედა ბზუბზუს მოსახლეობას შეხვდა. მოსახლეობას პარალელურად სხვადასხვა ადმინისტრაციულ ერთეულებში ადგილობრივი თვითმმართველობის წარმომადგენლები ხვდებიან.

"შეხვედრების მიზანია მოსახლეობის ჩართულობა გადაწყვეტილების მიღების პროცესში, რომ მოსახლეობამ პრიორიტეტების მიხედვით თავად აირჩიოს საკუთარ სოფელში განსახორციელებელი პროექტები.

"სოფლის მხარდაჭერის პროგრამის" ფარგლებში შეხვედრები 20 მარტს დაიწყო და 23 მარტს დასრულდება. პროგრამის ბიუჯეტი 750 000 ლარს შეადგენს", - აღნიშნულია ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),