ჩვენ გვინდა თუ არ გვინდა, ხმამაღლა ვიძახით, რომ ქართული რაგბი იქნება და არის დაკავშირებული ბატონ ბიძინა ივანიშვილთან და ეს ცალსახაა, - ამის შესახებ რაგბის კავშირის პრეზიდენტმა, სოსო ტყემალაძემ ტელეკომპანია “იმედის” ეთერში განაცხადა. 

მისივე თქმით, ბიძინა ივანიშვილი ქველმოქმედების სახით იმდენს აკეთებს ქართული რაგბისთვის, რომ მსგავსი პრეცენდენტი ზოგადად სპორტშიც არ არის.

“ჩვენ გვინდა თუ არ გვინდა, ხმამაღლა ვიძახით, რომ ქართული რაგბი იქნება და არის დაკავშირებული ბატონ ბიძინა ივანიშვილთან და ეს ცალსახაა. ის კონტრიბუცია, რომელიც ბიძინა ივანიშვილმა გააკეთა ქველმოქმედების სახით, არავის გაუკეთებია მსოფლიო სპორტში, არათუ რაგბში.

რაც შეეხება მეორეს, მთავრობა, რომელიც უკეთებს დახმარებას ქართულ რაგბს, თუკი რამე შეიძლება მაქსიმუმს აკეთებს და ეს ფაქტია და ეს უნდა აღვნიშნო. თუკი რამეს არ გააკეთებენ, იმასაც ვიტყვი და ამასაც, მაგრამ ყველაფერს აკეთებენ.

ეს ვიღაცებს არ სიამოვნებთ. ამ ყველაფერმა მოიტანა შედეგები და უნდათ ამ ინსტიტუტს შეეხონ. რაღაც პეტიციებს მიმართავენ და ა.შ. არ არსებობს ასეთი იურიდიული გზა და თუ პეტიცია იქნება, მე გამოვაცხადებ პეტიციას, ჩვენს ფეისბუქ გვერდზე, სადაც კომენტარებს წერენ, ზუსტად გავარკვევ სათითაოდ ვინ არიან და მათვე ამ პეტიციის შემდეგ გავცემ პასუხს, თუ რა არის ჩვენი ქვეყნის ღალატი.

თუ რაგბი არ გიყვარს, ეს ნიშნავს, რომ ჩვენი ქვეყანა არ გიყვარს. თუ ჩემ კომენტარებში მე ვაჭარბებ და ვამბობ რაიმე პოლიტიკურს, ან რომელიმე მხარეს ვაფიქსირებ ისე, რომ არ მაქვს მე ეს საფუძველი, როდესაც ვამბობ, რომ ბიძინა ივანიშვილი არის და იქნება ქართულ რაგბიში და ის არჩეულია მუდმივ, უკვდავ პარტნიორად ქართული რაგბის, მისი ქველმოქმედებისთვის, ამას ვერავინ ვერ ასცდება”, - განაცხადა ტყემალაძემ.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა