ჯუანშერ ბურჭულაძემ ტელეკომპანია "რუსთავი 2" -ის პირდაპირ ეთერში კიდევ ერთხელ გასცა პასუხი მის წინააღმდეგ გაჟღერებულ ბრალდებებს და მას შავი პიარი უწოდა. 

ბურჭულაძემ განაცხადა, რომ მან მობილური ტელეფონები გადასცა არა სამოქალაქო, არამედ სამხედრო მოსამსახურეებს, ოფიცრებს, რომლებიც ბორჯომის ხეობაში გაჩენილი ხანძრის ლიკვიდაციაში მონაწილეობდნენ და რამდენიმე დაჭრილ სამხედრო მოსამსახურეს. ასევე, აღნიშნა, რომ ხანძრის სალიკვიდაციო სამუშაოებში მონაწილე სამხედრო მოსამსახურეებს ფულადი ჯილდოს სახით პრემიაც გადაეცათ. 

„სრული პასუხისმგებლობით ვაცხადებ, არცერთი მობილური ტელეფონი სამოქალაქო პირისთვის არ მიჩუქნია, მე თვითონ მაქვს ძველი მოდელი აიფონი და მეტიც, მე არც კი ვსარგებლობ კორპორატიული მომსახურებით ჩემს მობილურ ნომერზე. მე თვითონ ვიხდი ჩემი მობილურის გადასახადს, ასევე, საზღვარგარეთ მივლინებაში ყოფნის დროს მე თვითონ ვიხდი როუმინგის გადასახადებს. ეს არის აბსოლუტური ტყუილი,“ - განაცხადა მინისტრმა. 

მინისტრმა ისაუბრა ალკოჰოლური ხარჯებისა და სასაჩუქრე კალათების შესახებ და აღნიშნა, რომ ეს გახლდათ წარმომადგენლობითი ხარჯი, რაც მიღებული პრაქტიკაა მთელს მსოფლიოში და ტენდერის გამოცხადებას არ საჭიროებდა: „ეს არის წარმომადგენლობითი ხარჯი, სხვა ხარჯი ვერ იქნება. ანალოგიურია ის სასმელები, რაზეც მეორე სერია იყო ამ შავი პიარის, ესეც ახალ წელს ჩვენი დაღუპული გმირების, გარდაცვლილი გმირების ოჯახის წევრებს გადავეცით.“ 

მინისტრმა აღნიშნა, რომ შესყიდვების ვებ-გვერდზე იტვირთება აბსოლუტურად ყველა ხელშეკრულება, გარდა საიდუმლო შესყიდვებისა. მან ასევე უპასუხა მისი ოჯახის მიმართ გამოთქმულ ბრალდებებს: „მე არაერთხელ აღვნიშნე, არ ვმალავ, რომ ვარ შეძლებული ოჯახიდან. ჩემმა ოჯახმა მარტო 2007 წელს მოახდინა რეალიზაცია ერთ-ერთი მსხვილი კომერციული ფართის რუსთაველის გამზირზე. ეს არასდროს არ დამიმალავს, თუ ეს მიკრძალავს მე ჩემს საქმიანობას? პირიქით, ჩემი აზრით, ეს არის მოტივაცია, რომ უფრო მეტად მოვუფრთხილდეთ და უფრო მეტი სიმკაცრით მივუდგეთ ფინანსების ხარჯვის საკითხს.”

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია