აჭარის ჯანმრთელობისა და სოციალური დაცვის მინისტრმა ნინო ნიჟარაძემ, პირველ მოადგილესთან, მარი ზანაქიძესთან ერთად, სამედიცინო პერსონალთან მორიგი შეხვედრა სალიხ აბაშიძის სახელობის ინფექციური პათოლოგიის, შიდსისა და ტუბერკულოზის რეგიონულ ცენტრში გამართა.

 შეხვედრაზე მინისტრმა ექიმებსა და სამედიცინო დაწესებულების ხელმძღვანელ პირებს, სამინისტროს 2023 წლის პროგრამები გააცნო, გასული წლის შედეგები მიმოიხილა და დაგეგმილ სიახლეებზე ისაუბრა.

"სამინისტროს პროგრამების შესახებ მოქალაქეთა მაქსიმალური ინფორმირების მიზნით, ვაგრძელებთ შეხვედრებს სამედიცინო სფეროს წარმომადგენლებთან, რომელთაც უშუალო შეხება აქვთ პაციენტებთან. დღეს, შეხვედრის მონაწილეებთან კიდევ ერთხელ ვისაუბრეთ აჭარის მთავრობის გადაწყვეტილების შესახებ, რომლის მიხედვით ფტიზიო-პულმონოლოგიური ცენტრი შეიცვლის ადგილმდებარეობას და საქმიანობას ინფექციური საავადმყოფოს ერთიან სივრცეში, თანამედროვე სამედიცინო გარემოში გააგრძელებს. ტუბერკულოზის ამჟამინდელი შენობა ათეული წლების წინ არის აგებული და ვერ აკმაყოფილებს თანამედროვე მოთხოვნებს" - აღნიშნა მინისტრმა, ნინო ნიჟარაძემ.

ინფექციური პათოლოგიის, შიდსის და ტუბერკულოზის რეგიონულ ცენტრი ჩართულია საყოველთაო ჯანდაცვის პროგრამაში და აჭარის ჯანდაცვის სამინისტროს რიგ პროგრამებში. 

შეხვედრის ბოლოს, მინისტრმა 60 წლის იუბილესა და რეგიონის მოსახლეობის ჯანმრთელობის დაცვის სფეროში შეტანილი წვლილისათვის ინფექციური პათოლოგიის, შიდსის და ტუბერკულოზის რეგიონული ცენტრის დირექტორი, ციური აბულაძე და ამავე ცენტრის ინფექციური დეპარტამენტის უფროსი, ინფექციონისტი, ჯემალ დუმბაძე დააჯილდოვა.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია