გამოდის, რომ ეს ადამიანი სასიკვდილოდ არის გამეტებული, აუცილებლად მოკვდება თუ ასე გაგრძელდა, - ამის შესახებ ახალქალაქის, კარისა და კუმურდოს ეპარქიის მმართველმა, ნიკოლოზ ფაჩუაშვილმა მესამე პრეზიდენტთან, მიხეილ სააკაშვილთან დაკავშირებით განაცხადა.

მეუფე ნიკოლოზმა მედიის წარმომადგენლებთან საუბრისას ექსპრეზიდენტის მიერ თვითდაზიანების ფაქტი გამორიცხა და თქვა, რომ ასეთ შემთხვევაში, არ აზიარებდა.

"ამ ქვეყანაში არ მინდა მოქმედებდეს ე.წ. ლინჩის წესი. დღეს უკვე ხელმისაწვდომია ტერმინების განმარტება და მე ვფიქრობ, ყველამ შეიძლება ჩაიხედოს და ნახოს ინტერნეტში, რას ნიშნავს ლინჩის წესით გასამართლება. ეს ნიშნავს, სასამართლო პროცესის გარეშე განაჩენის გამოტანას... ყოველ შესვლაზე სააკაშვილი უარესად და უარესად არის და რაც მე ბოლოს ვნახე ჩემი თვალით, მინდა გითხრათ, რომ ეს იყო ყოველგვარ ფარგლებს გადაცდენილი... გამოდის, რომ ეს ადამიანი სასიკვდილოდ არის გამეტებული, აუცილებლად მოკვდება თუ ასე გაგრძელდა... მე, როგორც სასულიერო პირსა და მის მოძღვარს, ოდნავ მაინც რომ მეპარებოდეს ეჭვი, რომ თვითდაზიანებას აქვს ადგილი, არავითარ შემთხვევაში, არ ვაზიარებდი... თუნდაც ეს ასე იყოს, ასეთი საჯარო თვითდაზიანება, რომელსაც ადამიანი სიკვდილამდე მიჰყავს და მიიყვანს აუცილებლად, ამაში უკვე ეჭვი აღარავის არ უნდა ეპარებოდეს, ასე თუ გაგრძელდა მოკვდება, მე მინდა გითხრათ, რომ ეს ძალიან ცუდი მაგალითია ქვეყანაში და მე ვფიქრობ, რომ ქვეყანამ - ხელისუფლებამ, საზოგადოებამ ყველაფერი უნდა იღონოს იმისთვის, რომ ამ საჯარო მაგალითისგან გათავისუფლდეს რაღაცნაირად", - განაცხადა მეუფე ნიკოლოზმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია