ქედის მუნიციპალიტეტში ინფრასტრუქტურისა და მუნიციპალური კომუნალური სერვისების განვითარების ბიუჯეტი 6 501 800 ლარით განისაზღვრა

2023-02-08 10:58:37, 1797 ნახვა

რეგიონი

მიმდინარე წელს, ქედის მუნიციპალიტეტში ინფრასტრუქტურისა და მუნიციპალური კომუნალური სერვისების განვითარების ბიუჯეტი 6 501 800 ლარით განისაზღვრა.

ინფრასტრუქტურული პროექტების ფარგლებში სხვადასხვა ღონისძიებები აქტიურად მიმდინარეობს. წელს ისეთი მნიშვნელოვანი პროექტები განხორციელდება, როგორიცაა:
• 30 ბინიანი სოციალური სახლის მშენებლობა;
• სოფელი ქვედა აქუცისა და სოფელ ვაიოს დამაკავშირებელი საავტომობილო გზის მშენებლობა;
• ფრიდონ ხალვაშის სახელობის ცენტრალურ პარკში ხანდაზმულებისათვის განკუთვნილი დასასვენებელი სივრცის მოწყობა;
• წყლის სისტემების რეაბილიტაცია და ახლის მშენებლობა;
• შიდა სასოფლო-საუბნო გზების რეაბილიტაცია;
• სპორტული ინფრასტრუქტურის მშენებლობა და რეაბილიტაცია;
• დაბა ქედაში მრავალფუნქციური სასწრაფოს შენობის მშენებლობა, რომელიც 2022 წელს დაიწყო და მიმდინარე წელში დასრულდება;
• დაბა ქედაში, რუსთაველის ქ. N13 და N15 საცხოვრებელი სახლების მიმდებარედ სპორტული მოედნით, ადაფტირებული და ევრო სტანდარტებით აღჭურვილი ახალი პარკის მშენებლობა, რომელიც 2022 წელს დაიწყო და მიმდინარე წელში დასრულდება;
• ადმინისტრაციული ერთეულის ცენტრების კეთილმოწყობა;
• ძველი სახლის ახლით ჩანაცვლების პროგრამის ფარგლებში 4 ახალი კაპიტალური სახლი აშენდება.