|
2023-01-31 16:14:06, 1612 ნახვა
ეკონომიკა
ლევან დავითაშვილი ავსტრიის კანცლერის ეკონომიკურ მრჩეველს შეხვდა
საქართველოსა და ავსტრიის მრავალწლიანი პარტნიორობის გაღრმავებისა და სავაჭრო-ეკონომიკური ურთიერთობების საკითხები განიხილეს ლევან დავითაშვილმა და ავსტრიის კანცლერის ეკონომიკურმა მრჩეველმა გეორგ ადლერმა ეკონომიკისა და მდგრადი განვითარების სამინისტროში გამართულ შეხვედრაზე, რომელსაც ასევე ესწრებოდნენ საქართველოს საგანგებო და სრულუფლებიანი ელჩი ავსტრიის რესპუბლიკაში ქეთევან ციხელაშვილი, ეკონომიკის მინისტრის მოადგილე გენადი არველაძე და სამინისტროს ვაჭრობის განვითარებისა და საერთაშორისო ეკონომიკური ურთიერთობების დეპარტამენტის უფროსი გივი ზედელაშვილი. გეორგ ადლერი საქართველოში ავსტრიის ფედერალური კანცლერის, კარლ ნეჰამერის ვიზიტის ფარგლებში იმყოფებოდა. როგორც შეხვედრაზე აღინიშნა, ორ ქვეყანას შორის ძალიან დინამიურად ვითარდება ურთიერთთანამშრომლობა სხვადასხვა მიმართულებით, მათ შორის ტურიზმის, სოფლის მეურნეობის, ენერგეტიკის, გარემოს დაცვის, ლოგისტიკის, კვების მრეწველობისა და სხვა სფეროებში. მნიშვნელოვანია, რომ 2022 წელს აღინიშნა ორმხრივი ურთიერთობების ისტორიაში მნიშვნელოვანი თარიღი - საქართველოსა და ავსტრიის რესპუბლიკას შორის დიპლომატიური ურთიერთობების დამყარების 30 წლისთავი. ლევან დავითაშვილმა გეორგ ადლერს მადლობა გადაუხადა ავსტრიის მხრიდან გამოხატული ურყევი მხარდაჭერისთვის საქართველოს ევროპული მისწრაფებებისა და ევროპული არჩევანის მიმართ. ვიცე-პრემიერის შეფასებით, ავსტრიის მთავრობას და ავსტრიის განვითარების სააგენტოს (ADA) საქართველოს ეკონომიკის სხვადასხვა დარგის განვითარებაში განსაკუთრებული წვლილი აქვთ შეტანილი. მხარეებმა ასევე ისაუბრეს საქართველოში ავსტრიული კომპანიების წარმატებულ საქმიანობაზე, მნიშვნელოვან საინვესტიციო პროექტებზე და განიხილეს პოტენციალი, რომელიც არსებობს ორი ქვეყნის ბიზნესწრეების თანამშრომლობის კუთხით, მათ შორის განახლებადი ენერგეტიკის, ტურიზმის, უძრავი ქონების, წარმოების, ლოგისტიკის და სხვა სფეროებში. აღინიშნა, რომ ავსტრიის სავაჭრო პალატა აქტიურად არის ჩართული ქართულ-ავსტრიული ერთობლივი ღონისძიებების ორგანიზებაში, მათ შორის ბიზნესფორუმებში, რათა ხელი შეუწყოს საქმიანი ურთიერთობების განვითარებას.
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



