2023-01-31 15:03:25, 1093 ნახვა
საზოგადოება
არ გადაგვიყვანია რეანიმაციაში, პალატაშია - ნინო ნადირაძე სააკაშვილზე
კლინიკა "ვივამედის" დირექტორი, ნინო ნადირაძე არ ადასტურებს ინფორმაციას იმის შესახებ, რომ საქართველოს მესამე პრეზიდენტი მიხეილ სააკაშვილი რეანიმაციაში გადაჰყავთ.
როგორც ნადირაძე ამბობს, ექსპრეზიდენტი ისევ "ვივამედის" პალატაში იმყოფება.
"არ გადაგვიყვანია რეანიმაციაში, პალატაშია",- განაცხადა ნინო ნადირაძემ.
შეგახსენებთ, რომ ცოტა ხნის წინ "ერთიანი ნაციონალური მოძრაობის" წევრმა, გიორგი ჩალაძემ განაცხადა, რომ მიხეილ სააკაშვილს რეანიმაციაში გადასაყვანად ამზადებდნენ. მისივე თქმით, ექსპრეზიდენტის მდგომარეობა კრიტიკულ ზღვარზეა.
ავტორი: ექსპრესნიუსი,
epn.ge (@expressnews.ge)
