17 იანვარს საქართველოს საპატრიარქოში ირანის ისლამური რესპუბლიკის დელეგაციასთან შეხვედრა გაიმართა. ინფორმაციას საქართველოს საპატრიარქოს ოფიციალური გვერდი აქვეყნებს. 

"დელეგაციის შემადგენლობაში იყვნენ  აჰლ ბეითის მსოფლიო ასამბლეის გენერალური მდივანი, აიათოლა რეზა რამეზანი, ირანის ისლამური რესპუბლიკის წარმომადგენლები, ირანის ისლამური რესპუბლიკის ელჩი საქართველოში, ბატონი მაჰმუდ აბიდი და სხვა ოფიციალური პირები.

შეხვედრაზე საუბარი მეგობრულ ვითარებაში წარიმართა და თანამედროვე მსოფლიოში არსებულ სულიერ გამოწვევებს შეეხო." - წერს საქართველოს საპატრიარქო.

ირანის დედაქალაქის სასამართლომ 10 წლამდე თავისუფლების აღკვეთა მიუსაჯა ანტისამთავრობო საპროტესტო აქციებზე დაკავებულ 400 ადამიანს, განაცხადა სასამართლო ხელისუფლების წარმომადგენელმა.

თეირანის გენერალურმა პროკურორმა თქვა, რომ 160 „აჯანყებულს“ მიესაჯა 5-დან 10 წლამდე პატიმრობა, 80-ს ორიდან ხუთ წლამდე და 160 ადამიანს ორ წლამდე ან ნაკლები.

ირანის ისლამურმა ხელისუფლებამ არეულობის გამო მსჯავრდებული მეშვიდე ადამიანი ჩამოახრჩო.

2022 წლის 16 სექტემბერს ქვეყანაში საპროტესტო გამოსვლები დაიწყო, რომელიც უკავშირდება 22 წლის აქტივისტის მაჰსა ამინის ვიცე-პოლიციის მიერ მკვლელობას, რომელიც დააკავეს ჰიჯაბის ტარების შესახებ კანონის სავარაუდო დარღვევისთვის. შედეგად, ბევრმა ირანელმაც შეწყვიტა მისი ტარება. გაეროს ადამიანის უფლებათა უმაღლესმა კომისარმა ვოლკერ თურქმა განაცხადა, რომ საპროტესტო აქციების დროს დააკავეს 14000 ადამიანი, მათ შორის ბავშვები.

ავტორი: ექსპრესნიუსი,

სოციალური ქსელები

ნარკოდანაშაულის ბრალდებით ცხრა პირი დააკავეს, ამოღებულია სხვადასხვა სახის განსაკუთრებით დიდი ოდენობით ნარკოტიკი

ურალში პუტინისთვის ბირთვული ომის შემთხვევაში „განკითხვის დღის ბუნკერი“ აშენდა

რუსეთმა კიევსა და მიმდებარე რეგიონზე მასშტაბური სარაკეტო და დრონებით იერიში მიიტანა, რასაც სამი ადამიანი ემსხვერპლა

უნგრეთში ორბანის მთავრობის ორი ყოფილი მინისტრი კორუფციის ბრალდებით დააკავეს