უკრაინის ეროვნული მუსიკალური აკადემიის (ასევე ცნობილია როგორც კიევის კონსერვატორია) თანამშრომლებმა გადაწყვიტეს კომპოზიტორ პეტრე ჩაიკოვსკის სახელი შეენარჩუნებინათ საგანმანათლებლო დაწესებულების სახელწოდებაში. როგორც უკრაინის კულტურისა და საინფორმაციო პოლიტიკის მინისტრმა ალექსანდრე ტკაჩენკომ თავის Telegram არხზე განაცხადა, ამ გადაწყვეტილებამ სამინისტროს იმედგაცრუება გამოიწვია.

„ჩვენ იმედგაცრუებულნი ვართ, რომ უკრაინის ეროვნული მუსიკალური აკადემიის პერსონალისთვის, რომელიც კიევში მდებარეობს, ჯერ კიდევ საჭიროა იმის გარკვევა, ამოიღონ თუ არა ჩაიკოვსკის სახელი ცნობილი მუსიკალური უმაღლესი სასწავლებლის სახელიდან“, - განაცხადა მინისტრმა სოციალურ ქსელში.

აკადემიის სახელწოდებიდან კომპოზიტორის სახელის ამოღების რეკომენდაცია უმაღლესი რადას პროფილის კომიტეტმა მიიღო. გადაწყვეტილების მიღებას, დაჟინებით მოითხოვდა კულტურის სამინისტროსთან არსებული რუსიფიკაციისა და ტოტალიტარიზმის შედეგების დაძლევის საექსპერტო საბჭოც.
უმაღლესი სასწავლებლის აკადემიურმა საბჭომ მიმართა უკრაინის პრეზიდენტს ვლადიმირ ზელენსკის, დაეცვა ქვეყანაში დიდი კომპოზიტორის მემკვიდრეობა და აღნიშნა, რომ მას უკრაინული ფესვები აქვს. საბჭომ გაიხსენა, რომ ჩაიკოვსკის მამა წარმოშობით ზაპოროჟიეს კაზაკებიდან იყო და თავად კომპოზიტორი უკრაინას "წარმოუდგენელი სიყვარულით" ეპყრობოდა.

„მთავრობებს და ჯარებს შეუძლიათ ბრძოლა, მაგრამ კულტურები ვერასოდეს შეებრძოლებიან ერთმანეთს. მათ შეუძლიათ კონკურენცია გაუწიონ ან გაამდიდრონ ერთმანეთი“, - ამბობს კონსერვატორიის საბჭოს წევრი იური რიბჩინსკი. "ჩაიკოვსკი, ისევე როგორც შექსპირი, არ ეკუთვნის ერთ კონკრეტულ ხალხს, ის ეკუთვნის მთელ მსოფლიოს."

ცნობილია, რომ პეტრე ჩაიკოვსკი - გამოჩენილი კომპოზიტორი და დირიჟორი,  დაიბადა უდმურტიის ქალაქ ვოტკინსკში, სადაც მუშაობდა მისი მამა ილია პეტროვიჩი - სამთო ინჟინერი, მოგვიანებით - პეტერბურგის ტექნოლოგიური ინსტიტუტის ხელმძღვანელი. მაგრამ კომპოზიტორის ოჯახი უკრაინიდანაა. დიდი კომპოზიტორის ბაბუა ფიოდორ ჩაიკა იყო მირგოროდის პოლკის კაზაკი, მონაწილეობდა საომარ მოქმედებებში. კომპოზიტორის ბაბუა პეტრე სწავლობდა კიევ-მოგილინსკის აკადემიაში, იყო პოლკის ექიმი 1768-1772 წლების რუსეთ-თურქეთის ომის დროს, გადავიდა სახელმწიფო სამსახურში, მიიღო რუსი თავადაზნაურობა და გვარი ჩაიკოვსკი. შესაბამისად, კომპოზიტორის უკრაინისა და უკრაინული მუსიკის სიყვარულს თავისი ფესვები აქვს –  ჩაიკოვსკის უკვდავი შემოქმედებითი მემკვიდრეობის უზარმაზარი ფენა უკრაინიდან მოდის. 1864 წლიდან სიცოცხლის ბოლომდე, თითქმის ყოველწლიურად, ის თვეების განმავლობაში ცხოვრობდა უკრაინაში ნიზას სამკვიდროში ხარკოვის ოლქში, კამენკაში ჩერკასის ოლქში, ბრაილოვში პოდოლიაში, სადაც ფონ მეკის ოჯახის სასახლეა. დღემდე კარგად არის შემონახული, სადაც შეიქმნა კომპოზიტორის მუზეუმი. უკრაინაში მან ნაწილობრივ ან მთლიანად დაწერა 30-ზე მეტი ნაწარმოები:

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა