„მნიშვნელოვანია, მხარი დავუჭიროთ ახალგაზრდებს, რომ მათ მიიღონ სათანადო ცოდნა და განათლება გარემოსდაცვითი მიმართულებით, დაეუფლონ ისეთ მნიშვნელოვან პროფესიებს, როგორიც არის გეოლოგია, ჰიდროლოგია, ეკოლოგია. ჩვენ აქტიურად ვთანამშრომლობთ განათლების სამინისტროსთან, უმაღლეს სასწავლებლებთან, ვახორციელებთ ერთობლივ პროექტებს, რომელთა ფარგლებშიც,  სტიმულს ვაძლევთ ახალგაზრდებს, რომ დაინტერესდნენ აღნიშნული პროფესიებით და, შემდგომ, ემსახურონ ქვეყანას”, - განაცხადა გარემოს დაცვისა და სოფლის მეურნეობის მინისტრმა, ოთარ შამუგიამ გარემოსდაცვითი მიმართულების სტუდენტებისთვის „მწვანე სტიპენდიების” გადაცემის ღონისძიებაზე.

სოფლის მეურნეობის სამინისტროს ცნობით, საქართველოს 8 უნივერსიტეტიდან 1500 ლარიანი სტიპენდიით გარემოსდაცვითი მიმართულების 32 სტუდენტი დაჯილდოვდა. „მწვანე სტიპენდიების“ პროგრამა, რომელსაც  გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრი ახორციელებს, ხელს შეუწყობს გარემოსდაცვითი დეფიციტური პროფესიების პოპულარიზაციასა და წარჩინებული სტუდენტების წახალისებას. პროგრამის ფარგლებში, სტუდენტებს შესაძლებლობა ექნებათ, მიიღონ პრაქტიკული გამოცდილება შესაბამის უწყებებში.

როგორც გაეროს განვითარების პროგრამის მუდმივმა წარმომადგენელმა საქართველოში (UNDP), ნიკ ბერესფორდმა ღონისძიებაზე აღნიშნა, დღევანდელი რეალობის გათვალისწინებით, გარემოს  დაცვით სფეროში მეცნიერული მიმართულება არის უაღრესად აქტუალური და მთავრობის მხრიდან ასეთი მხარდაჭერა ხაზგასმით მისასალმებელია.

აღსანიშნავია, რომ სტიპენდიები ივანე ჯავახიშვილის სახელობის თბილისის სახელმწიფო უნივერსიტეტის, ილიას სახელწიფო უნივერსიტეტის, საქართველოს ტექნიკური უნივერსიტეტის, საქართველოს საზოგადოებრივ საქმეთა ინსტიტუტის, აკაკი წერეთლის სახელმწიფო უნივერსიტეტის, იაკობ გოგებაშვილის სახელობის თელავის სახელმწიფო უნივერსიტეტის, ბათუმის შოთა რუსთაველის სახელმწიფო უნივერსიტეტისა და სოხუმის სახელწიფო უნივერსიტეტის სტუდენტებმა მიიღეს.
სტიპენდიები ვრცელდება  შემდეგ სამაგისტრო პროგრამებზე: ფიზიკური გეოგრაფია და გარემოს მდგრადი განვითარება, წყლის რესურსების ინტეგრირებული მართვა (ჰიდროლოგია), გეოლოგია, ენერგეტიკისა და მინერალური რესურსების მართვა და მდგრადი განვითარება, გარემოს დაცვა და საინჟინრო ეკოლოგია, ეკოლოგია, კონსტრუქციული (გამოყენებითი) გეოგრაფია და გარემოს დაცვა, გარემოსდაცვითი მენეჯმენტი და  პოლიტიკა.

დაჯილდოების ღონისძიებას საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე, გარემოს დაცვის და სოფლის მეურნეობის მინისტრის მოადგილეები სოლომონ პავლიაშვილი და ნინო თანდილაშვილი, განათლებისა და მეცნიერების მინისტრის მოადგილე ნუნუ მიცკევიჩი, შვედეთის საერთაშორისო განვითარების თანამშრომლობის სააგენტოს პროგრამის ოფიცერი (SIDA) ხათუნა ზალდასტანიშვილი, გარემოსდაცვითი ინფორმაციისა და განათლების ცენტრის დირექტორი თამარ ალადაშვილი, უნივერსიტეტების წარმომადგენლები ესწრებოდნენ.

„მწვანე სტიპენდიების” პროგრამა ხორციელდება გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის მიერ, გაეროს განვითარების პროგრამის (UNDP) ფართომასშტაბიანი ინიციატივის ,,კლიმატის ცვლილებით გამოწვეული კატასტროფების რისკის შემცირება საქართველოში" ფარგლებში, კლიმატის მწვანე ფონდის (GCF), საქართველოს, შვედეთისა და შვეიცარიის მთავრობების მხარდაჭერით.

ავტორი: NS (სტატია დაფინანსებულია),

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს