|
2022-12-19 17:48:55, 1799 ნახვა
ეკონომიკა
ლევან დავითაშვილი - სახელმწიფომ დაიბრუნა „ხუდონჰესის" პროექტი, რაც საშუალებას მოგვცემს, მისი განხორციელება 2023 წელს დავიწყოთ
საქართველოს მთავრობის გადაწყვეტილებით, სახელმწიფო ხუდონის ჰიდროელექტროსადგურის პროექტს იბრუნებს. ვიცე-პრემიერის, ეკონომიკისა და მდგრადი განვითარების მინისტრის ინფორმაციით, შეთანხმება შედგა ინვესტორ კომპანიასთან - სახელმწიფომ დაიბრუნა პროექტი და მისი განხორციელება უკვე მომავალი წლიდან დაიწყება. ამ საკითხთან დაკავშირებით ლევან დავითაშვილმა დღეს მთავრობის სხდომის შემდეგ გამართულ ბრიფინგზე ისაუბრა. „სახელმწიფომ დაიბრუნა პროექტი, რაც საშუალებას მოგვცემს, რომ მისი განხორციელება 2023 წელს დავიწყოთ სახელმწიფოს აქტიური მონაწილეობით. ეს არის ჩვენი მიდგომა - ასეთი მსხვილი, მნიშვნელოვანი ენერგეტიკული და სტრატეგიული პროექტები, როგორც წესი, მომავალში საქართველოს სახელმწიფოს აქტიური მონაწილეობით განხორციელდება. შეგახსენებთ, რომ ამ პროექტს განსაკუთრებული დატვირთვა და მნიშვნელობა ჰქონდა საქართველოს ელექტროსისტემისთვის, ზოგადად სისტემის გენერაციისთვის, მათ შორის „ენგურჰესის" მუშაობის ეფექტიანობის გაზრდისთვის", - აღნიშნა ეკონომიკის მინისტრმა. ლევან დავითაშვილის განცხადებით, შესაბამისად, მთავრობის გადაწყვეტილება, რომ კომპანიასთან მოლაპარაკების გზით დაესრულებინა კონტრაქტი, პოზიტიურად გადაწყდა და საბოლოოდ შეთანხმება შედგა. აქედან გამომდინარე, მისი ინფორმაციით, პროექტი უახლოეს ხანებში, 2023 წლის დასაწყისიდან ხელახლა გამოცხადდება. „ჩვენ ხელახლა დავიწყებთ ხუდონჰესის პროექტის განხორციელებას, რაც ჩვენი თანმიმდევრული ენერგეტიკული პოლიტიკის ერთ-ერთი ნაწილია - საქართველოში გავზარდოთ გენერაცია და ქვეყნის ენერგოდამოუკიდებლობა", - განაცხადა ვიცე-პრემიერმა.
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



