|
2022-12-19 15:06:52, 1641 ნახვა
ეკონომიკა
ირაკლი ნადარეიშვილი - საქართველო სულ უფრო საინტერესო ხდება ინოვაციური, მაღალტექნოლოგიური კომპანიებისთვის, მათ შორის ფინანსური ტექნოლოგიების მიმართულებით
„საქართველო სულ უფრო მეტად საინტერესო ბაზარი ხდება არამხოლოდ სტანდარტული ტიპის ინვესტიციებისა და ბიზნესისთვის, არამედ ინოვაციური, მაღალტექნოლოგიური კომპანიებისთვის, მათ შორის ფინტექის მიმართულებით. ამას ხელს უწყობს როგორც ზოგადი, მიმზიდველი საინვესტიციო გარემო, ასევე მთელი რიგი ინიციატივები, რომელიც ქმნის ფინტექებისა და ტექნოლოგიური კომპანიების განვითარებისადმი მიმზიდველ სამართლებრივ ჩარჩოს. ამ მხრივ შეიძლება ხაზი გაესვას მიმდინარე წლის შემოდგომაზე ერთიანი ევრო გადახდის სივრცეში (SEPA-ში) საქართველოს გაწევრიანების ფარგლებში მიღებულ მთელ რიგ საკანონმდებლო ინიციატივებს" - ამის შესახებ ეკონომიკის მინისტრის მოადგილემ, ირაკლი ნადარეიშვილმა თურქეთის უმსხვილესი კომპანია United Payment-ის ხელმძღვანელებთან გამართული შეხვედრის დასრულების შემდეგ განაცხადა. თურქული კომპანია საქართველოში საქმიანობის დაწყებას და ფინანსური ტრანზაქციებისთვის ინოვაციური პროდუქტების, ფინტექსერვისების ახალი, ფართო სპექტრის დანერგვას აპირებს. ირაკლი ნადარეიშვილის შეფასებით, United Payment-ს საკმაოდ საინტერესო პორტფელი აქვს სერვისების მიმართულებით და ის აქტიურად ფართოვდება რეგიონში, მათ შორის აზერბაიჯანში, რუმინეთში და სხვადასხვა ქვეყნებში. „საკმაოდ საინტერესო საუბარი გვქონდა როგორც კომპანიის მომავალ გეგმებზე საქართველოში, ასევე მათ თანამშრომლობაზე ინოვაციებისა და ტექნოლოგიების სააგენტოსთან ქართული ინოვაციური ეკოსისტემის განვითარებისა და პერსპექტივების თაობაზე" - აღნიშნა ირაკლი ნადარეიშვილმა. ფინანსური ტექნოლოგიების (ფინტექი) როლი და განვითარების დონე მსოფლიოს ბაზრებზე ძალიან სწრაფად იზრდება - ფინტექკომპანიები აწარმოებენ ფინანსურ მომსახურებას კომპიუტერული პროგრამისა და ტექნოლოგიების მეშვეობით, რის შედეგადაც მომხმარებელს შეუძლია, უფრო მარტივად და სწრაფად დაგეგმოს, მართოს და აკონტროლოს საკუთარი ფინანსები. აღნიშნული უზრუნველყოფს მომხმარებლის დროულ ინფორმირებას, რაც, შესაბამისად, ამცირებს ხარჯებს და აუმჯობესებს მომსახურებას.
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



