ჩინური კომპანია Huawei ხურავს რუსეთში მონაცემთა შენახვის სისტემებისა და სატელეკომუნიკაციო აღჭურვილობის კორპორატიული გაყიდვების განყოფილებას, წერს კომერსანტი წყაროებზე დაყრდნობით. ამ განყოფილებაში - Enterprise Business Group - დაახლოებით 2 ათასი ადამიანი მუშაობდა, ახლა მათ სთავაზობენ დსთ-ს ქვეყნებში გადასვლას ან სამსახურიდან გათავისუფლებას.

გადაწყვეტილება დაკავშირებულია მეორადი სანქციების რისკებთან, რადგან აღჭურვილობის გამოყენება შესაძლებელია საჯარო სექტორში, განმარტავს წყარო.

გამოცემის თანამოსაუბრემ, კომპანიასთან დაახლოებულმა, დაადასტურა ინფორმაცია, რომ თანამშრომლების უმეტესობა დატოვებს განყოფილებას, მაგრამ განმარტა, რომ ოფისი ნომინალურად დარჩება: „კომპანია მზადაა დაბრუნდეს, თუ უკრაინაში აქტიური საომარი მოქმედებები შეჩერდება“.

ამავდროულად, კომპანია მზად არის გააგრძელოს სამომხმარებლო ელექტრონიკის გაყიდვა რუსეთში, განმარტავს კომერსანტის წყარო. ამ საკითხზე Huawei-ს ოფიციალური კომენტარი არ გაუკეთებია.

უკრაინაში რუსული შემოჭრის დაწყებიდან, ჩინურმა ბრენდებმა დასავლეთის სანქციების შიშით, კონფლიქტში რუსეთის პირდაპირ მხარდაჭერას ერიდებიან. ბევრი მათგანი ფარულად ტოვებს რუსულ ბაზარს ან წყვეტს თანამშრომლობას. გამონაკლისი არის საავტომობილო ინდუსტრია, სადაც ჩინეთი აძლიერებს თავის ყოფნას.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა