2022-12-18 11:08:08, 1121 ნახვა
საზოგადოება
ქაცარავა - საკორინთლოს თავზე რადიო-ელექტრონული სადაზვერვო მანქანის სპეც.სადგომი დავაფიქსირეთ
„ანტისაოკუპაციო მოძრაობის“ წევრი დავით ქაცარავა აცხადებს, რომ ოკუპაციის ხაზთან, საკორინთლოს თავზე დააფიქსირეს რადიო-ელექტრონული სადაზვერვო მანქანის სპეციალური სადგომი.
როგორც ქაცარავა სოციალურ ქსელში წერს, ოკუპენტები აქტივობას აგრძელებენ.
“ჩვენ ვაგრძელებთ პატრულირებას ოკუპაციის ხაზთან. .
ამჯერად მკაფიოდ დავაფიქსირეთ საკორინთლოს თავზე ე.წ. OKAPI ს, რადიო-ელექტრონული სადაზვერვო მანქანის სპეც.სადგომი.
ასეთი სპეც. პარკინგების არაერთი ლოკაცია გვაქვს დაფიქსირებული.
რუსი ოკუპანტები აგრძელებენ აქტივობას.
მაგრამ მალე დადგება ის დღე, როდესაც დრონები შესაბამის საჩუქრებს მიუტანენ ორკებს.
ძალა ერთობაშია, ბრძოლას ალტერნატივა არ გააჩნია!
ბრძოლას ყოველთვის აქვს აზრი!!!”,- წერს დავით ქაცარავა.
ავტორი: ექსპრესნიუსი,
epn.ge (@expressnews.ge)
