მეცნიერებასა და კვლევაზე დაფუძნებული მიდგომების განვითარების შესახებ ისაუბრა იუსტიციის მინისტრმა რატი ბრეგაძემ პარლამენტში სიტყვით გამოსვლისას.

„ჩვენ შარშანაც ამ ტრიბუნიდან გავაჟღერეთ ის, რომ გადაწყვეტილებების მიღების პროცესში აუცილებელია რაც შეიძლება მეტი კვალიფიციური აზრის გამოყენება და მეცნიერების და პრაქტიკის მაქსიმალურად დაახლოება. ვთქვით, რომ ამ მიმართულებით გადავდგამდით პრაქტიკულ ნაბიჯებს და ეს ნაბიჯები უკვე გადადგმულია. ხელთ გაქვთ ჩვენი სამინისტროს მიერ გამოცემული ჟურნალ „იუსტიციის" ორი ნომერი, რომლებიც საშუალებას აძლევს როგორც ახალგაზრდა, ისე გამოცდილ იურისტებს, მეცნიერებს, საზოგადოებას, სწორედ ამ ჟურნალის ფურცლებიდან გააცნონ თავიანთი ნააზრევი კვალიფიციურად და დაუტოვონ ისტორიას თავიანთი მოსაზრებები. მინდა, მადლობა გადავუხადო ყველა სტატიის ავტორს. ეს უკვე დამკვიდრებული სტრადიციაა. წელს უნდა გამოიცეს მესამე ნომერი და ეს ტრადიცია, რა თქმა უნდა, გაგრძელდება. ვისარგებლებ შემთხვევით და ღვაწლმოსილ ქართველ იურისტს, ბატონ მინდია უგრეხელიძეს, მადლობას გადავუხდი, რომელიც ამ საქმეს ხელმძღვანელობს. ასევე,  სამინისტროსთან დავაფუძნეთ სამეცნიერო საკონსულტაციო საბჭო, რომლის შემადგენლობაში არიან ყველა თაობის გამოჩენილი ქართველი იურისტები და ჩვენ მათგან ვიღებთ ძალიან პრაქტიკულ რჩევებს და ერთობლივად ვახორციელებთ იმ საქმიანობას, რასაც ჰქვია ქართული სამართლებრივი სახელმწიფოს მშენებლობისთვის აგურის დადება", – განაცხადა რატი ბრეგაძემ.

ავტორი: NS (სტატია დაფინანსებულია),

სოციალური ქსელები

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ