2022-12-07 21:54:06, 1253 ნახვა

---

ლომჯარია სააკაშვილზე - პირველი 7 თვის განმავლობაში წონის კლებას თუ შევადარებთ მეორე 7 თვის განმავლობაში წონის კლებას, სამჯერ არის აჩქარებული წონის ვარდნა

დაახლოებით, ოქტომბერ-ნოემბერში, ჩვენ არ დაგვიდოკუმენტირებია, მაგრამ რაც გვითხრა "ვივამედმა", სადღაც 20 კილომდე აქვს ბოლო ორ თვეში დაკლებული. საერთო ჯამში, პირველი 7 თვის განმავლობაში წონის კლებას თუ შევადარებთ მეორე 7 თვის განმავლობაში წონის კლებას, სამჯერ არის აჩქარებული წონის ვარდნა, - განაცხადა სახალხო დამცველმა ნინო ლომჯარიამ.

მისივე თქმით,მიხეილ სააკაშვილი პირველი თვებისგან განსხვავებით,არაკონტაქტურია,დაქვეითებული აქვს კომუნიკაციის უნარი და არ აქვს ინტერესი საუბრის.

"რაც შეეხება ჩემს შთაბეჭდილებას, შარშან ზამთარში და შემოდგომაზეც მქონდა მე მასთან კომუნიკაცია და ყოველთვის იყო ძალიან აქტიური კომუნიკაციაში, ბევრ რამეზე საუბრობდა, ყველაფერზე თავისი შეხედულება ჰქონდა, ანუ ჰქონდა კომუნიკაციის სურვილი. ბოლოს ორჯერ ვნახე, დაახლოებით, 5-10 წუთი და შემიძლია გითხრათ, რომ თითქმის კომუნიკაცია არ გვქონია, იმიტომ, რომ შეიძლება ითქვას, არაკონტაქტური იყო და ვერ აეწყო კომუნიკაცია, ძალიან მოკლედ პასუხობდა შეკითხვებს, დიდ ინტერესს არ იჩენდა და მეც ვიგრძენი, რთული იყო მისთვისაც. იყო თვითონ დამძიმებული", - განაცხადა ლომჯარიამ.

შეგახსენებთ 9 დეკემბერს 13:00 საათზე მიხეილ სააკაშვილის მორიგი სასამართლო პროცესი ჩაინიშნა. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი