ციფრული მმართველობის სააგენტომ კიბერუსაფრთხოებისა და ინფორმაციული ტექნოლოგიების ინოვაციების რეგიონულ კონფერენციაზე უწყების მიერ ამ სფეროში განხორციელებული საქმიანობისა და ცვლილებების შესახებ პრეზენტაციები წარადგინა.

უწყების წარმომადგენლებმა ისაუბრეს ქვეყანაში კიბერუსაფრთხოების, ციფრული მმართველობისა და ინფორმაციული ტექნოლოგიების განვითარებისთვის განხორციელებულ პროექტებზე. კონფერენციაზე გაიმართა მსჯელობა საქართველოსა და, ზოგადად, რეგიონში ელექტრონული მმართველობის განვითარების საკითხებზე, ინფორმაციულ და კიბერუსაფრთხოების პროექტებსა და ამ პროექტებში ტექნოლოგიური ინოვაციების დანერგვის პროცესზე. სააგენტოს წარმომადგენლებმა წარადგინეს საერთაშორისო ორგანიზაციების მხარდაჭერით და პარტნიორობით მიმდინარე პროექტები.

პრეზენტატორებმა ისაუბრეს ინოვაციურ პროექტებზე, რომელთაც იუსტიციის სამინისტრო საჯარო მმართველობის პროცესში აქტიურად იყენებს. კონფერენციის მონაწილეები წარმატებული კიბერაქტივობებს გაეცნენ, მათ შორის, კიბერსერვისებსა და საზოგადოებაში ცნობიერების ამაღლებისთვის მიმდინარე პროექტებს: კიბერკლასი, ელექტრონული სწავლების პლატფორმა, Cyber Winter და სხვა. კიბერუსაფრთხოების და ინფორმაციული ტექნოლოგიების ინოვაციების რეგიონული კონფერენცია „GITI 2022“ ორდღიანია. ღონისძიებაში 15-მდე ქვეყნის 700-მდე წარმომადგენელი მონაწილეობს. GITI ინფორმაციულ- საკომუნიკაციო სფეროში საერთაშორისოდ აღიარებული ერთ-ერთი წამყვანი ღონისძიებაა. კიბერუსაფრთხოების კონფერენცია „ICT ბიზნესსაბჭოს“ ორგანიზებით, იუსტიციისა და ეკონომიკის სამინისტროებისა და ციფრული მმართველობის სააგენტოს პარტნიორობით მიმდინარეობს. ღონისძიება წელს მეთორმეტედ ჩატარდა.

ავტორი: NS (სტატია დაფინანსებულია),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს