ევროპარლამენტმა მხარი დაუჭირა გადაწყვეტილებას, რომლის მიხედვითაც უკრაინისა და საქართველოს უკანონოდ ოკუპირებულ რეგიონებში რუსეთის მიერ გაცემულ პასპორტებსა და სხვა სამგზავრო დოკუმენტებს არ აღიარებს.

გადაწყვეტილება დამტკიცდა 531 ხმით, წინააღმდეგი იყო 7, 34-მა კი თავი შეიკავა. 

„ევროპარლამენტი მზად არის გააკეთოს ყველაფერი, რათა გააგრძელოს ზეწოლა რუსეთზე სამართლებრივი და პოლიტიკური საშუალებებით, რათა დარწმუნდეს, რომ პუტინი გადაიხდის მაღალ ფასს ამ უკანონო ომისთვის და უკრაინისა და მისი ხალხის წინააღმდეგ ჩადენილი საერთაშორისო დანაშაულისთვის“, - განაცხადა კენჭისყრის შემდეგ მომხსენებელმა, ხუან ფერნანდო ლოპეს აგილარმა.

კომისია, აღნიშნულის შემდეგ გაივლის კონსულტაციას ევროკავშირის წევრ ქვეყნებთან და შეადგენს რუსული სამგზავრო დოკუმენტების სიას, კერძოდ, პასპორტების, რომლებიც იქნება არაღიარებული, თუმცა თითქმის ყველა წევრი ქვეყანა აცხადებს, რომ ოკუპირებულ რეგიონებში გაცემულ რუსულ პასპორტებს უკვე არ იღებენ.

მას შემდეგ, რაც გადაწყვეტილება ოფიციალურად იქნება მიღებული საბჭოს მიერ, ის ასევე ევროკავშირის ოფიციალურ ჟურნალში გამოქვეყნდება. გამოქვეყნებიდან მეორე დღეს გადაწყვეტილება ძალაში შევა.

ავტორი: ექსპრესნიუსი,

სოციალური ქსელები

აშშ-მ და უკრაინამ მაიამიში მიმდინარე მოლაპარაკებები შეაჩერეს

სტიყვები რომელიც რეჟიმმა მედიას აუკრძალა - „ ექსპრესნიუსი“ ყველა დაცენზორებულ სიტყვას გამოიყენებს

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია