ნუთუ მთელი მსოფლიო შეთქმულებას ეწევა "ქართული ოცნების" წინააღმდეგ? რატომ გელანდებათ ყველგან მტრები? რატომ არის ამერიკა და ევროპა თქვენი მოწინააღმდეგე? ნუთუ ერთი ლობისტი მაინც არ გყავთ, რომ ამერიკის კონგრესში ერთი მხარდამჭერი მაინც იპოვოთ ან მოისყიდოთ? - ამ შეკითხვებით "ნაციონალური მოძრაობის" დეპუტატმა, რომან გოცირიძემ პარლამენტის პლენარულ სხდომაზე "ქართული ოცნების" დეპუტატებსა და მთავრობის მეთაურს მიმართა. 

როგორც გოცირიძემ პრემიერ-მინისტრის ინტერპელაციის წესით გამართულ მოსმენაზე სიტყვით გამოსვლისას განაცხადა, მმართველი პოლიტიკური გუნდი იზოლაციაშია და სწორედ ამიტომ, ყველგან მტერი "ელანდება".

"გუშინ და გუშინწინ გადაუარეთ აშშ-ს კონგრესს და რა უცენზურო სიტყვებითაც მოიხსენიეთ კონგრესის წევრები, ყველამ ვნახეთ გუშინ. ნუთუ მთელი მსოფლიო შეთქმულებას ეწევა "ქართული ოცნების" წინააღმდეგ? რატომ გელანდებათ ყველგან მტრები? რატომ არის ამერიკა და ევროპა თქვენი მოწინააღმდეგე? ნუთუ ერთი ლობისტი მაინც არ გყავთ, რომ ამერიკის კონგრესში ერთი მხარდამჭერი მაინც იპოვოთ ან მოისყიდოთ? 7 მილიარდი რომ აქვს იმ კაცს, 100 მლნ მაინც დახარჯოს, რომ ერთი მხარდამჭერი მაინც გაგიჩნდეთ. ერთი ადამიანი მაინც ვერ მოძებნეთ მთელ ევროპასა და ამერიკაში, რომ ერთი სიტყვა შეგაწიოთ. თქვენ, ბ-ნო ირაკლი და "ქართული ოცნება" მართავთ ქვეყანას და გაქვთ უმრავლესობა და თქვენი განცხადებით ისე გამოგყავთ, რომ უმრავლესობა ჰყავს "ნაციონალურ მოძრაობას" კონგრესშიც და ევროპარლამენტშიც. თუ მთელ მსოფლიოში გვყავს უმრავლესობა, წადით და გაგვაკეთებინეთ საქმე. იზოლირებული ხართ. ამიტომ გელანდებათ ყველგან შეთქმულებები და ყველგან მტრები", - განაცხადა რომან გოცირიძემ.

ოპოზიციონერი დეპუტატის თქმით, "ქართული ოცნება" ქვეყნის მართვის სადავეებთან 10 წელია დგას და ოპოზიციას 20 წლის წინანდელი არგუმენტებით ესაუბრება.

"იძახით სისხლიანი რეჟიმი, სისხლიანი რეჟიმი - 20 წელი გავიდა, რაც "ნაცმოძრაობა" მოვიდა ხელისუფლებაში.  10 წელია მართავთ ამ ქვეყანას. 20 წლის წინანდელი არგუმენტებით გველაპარაკებით დღეს, როდესაც თქვენი რეპრესიული პოლიტიკური დევნის მსხვერპლი არის ქვეყნის პრეზიდენტი. ნიკა გვარამია იმ დროს დაიჭირეთ, როდესაც ევროკავშირში ჩვენი გაწევრიანების საკითხი დგებოდა. ამბობთ, რომ თურმე საქართველოში ოლიგარქიული მმართველობა არ არსებობს. ბ-ნო ირაკლი, თქვენ ვინ დაგნიშნათ ამ თანამდებობაზე? ან თქვენ ვინ გაგათავისუფლებთ ამ თანამდებობიდან? არ თქვათ ახლა, რომ პარტია იმართება მისი წესდების მიხედვით და მე დამნიშნა პოლიტსაბჭომო. თქვენ დაგნიშნათ ქალბატონმა ტიკარაძემ? და თქვენ გაგათავისუფლებთ ქალბატონი ტიკარაძე და კიდევ ორი დეპუტატი, რომელიც აქ ზის და პარტიის უმაღლეს მმართველობას წარმოადგენს? თქვენ გაგათავისუფლებთ ის, ვინც ერთხელ უკვე გაგათავისუფლათ... აი, ბ-ნი ბიძინა რომ დაგირეკავთ და გეტყვით - ირაკლი, დადგა თქვენი დრო", - აღნიშნა გოცირიძემ სიტყვით გამოსვლისას.

ცნობისთვის, კანონმდებლები დღეს პრემიერ-მინისტრს ინტერპელაციის წესით უსმენენ. ირაკლი ღარიბაშვილი ოპოზიციონერი დეპუტატების: გიორგი ვაშაძის, პაატა მანჯგალაძის, თეონა აქუბარდიას, ხათუნა სამნიძის, ტარიელ ნაკაიძის, თამარ კორძაიას, როსტომ ჩხეიძისა და ნატო ჩხეიძის მიერ გაგზავნილ კითხვებს პასუხობს.

შეკითხვები საქართველოსთვის ევროკავშირის კანდიდატი ქვეყნის სტატუსის მინიჭებას და „ქართული ოცნებისა“ და „ხალხის ძალის“ დეპუტატების მიერ გაკეთებულ განცხადებებს შეეხება.

ავტორი: ექსპრესნიუსი,

სოციალური ქსელები

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა

კიევში, რუსული დაბომბვის გამო, მეტრო და ტრამვაი ერთ კვირაში მეორედ გაჩერდა