ბულგარეთის დედაქალაქში გამართული სამხრეთ-აღმოსავლეთ ევროპის თავდაცვის მინისტერიალის (SEDM) ფარგლებში საქართველოს თავდაცვის მინისტრი უცხოელ კოლეგებს შეხვდა. ბულგარეთის რესპუბლიკის თავდაცვის მინისტრთან დიმიტარ სტოიანოვთან ორმხრივ შეხვედრაზე ჯუანშერ ბურჭულაძემ შავი ზღვის რეგიონის უსაფრთხოების გარემო მიმოიხილა და კოლეგას საქართველოს სუვერენიტეტის, ტერიტორიული მთლიანობისა და ევროატლანტიკურ სტრუქტურებში ინტეგრაციის მტკიცე მხარდაჭერისთვის მადლობა გადაუხადა. ინფორმაციას თავდაცვის სამინისტრო ავრცელებს.

რეგიონში არსებული გამოწვევების ფონზე ჯუანშერ ბურჭულაძემ ყურადღება ერთიანი დასავლური პოლიტიკის განსაკუთრებულ მნიშვნელობაზე გაამახვილა. მინისტრმა აღნიშნა, რომ საქართველო ძალისხმევას არ იშურებს შეინარჩუნოს მშვიდობა, გახდეს ევროკავშირისა და ნატოს სრულუფლებიანი წევრი, ამავე დროს კი, აქტიურად მუშაობს თავდაცვისუნარიანობის, მედეგობისა და წინააღმდეგობის შესაძლებლობების გაძლიერებაზე. მხარეებმა ნატო-ს მადრიდის სამიტის შედეგებსა და ახალ სტრატეგიულ კონცეფციაზეც იმსჯელეს, სადაც სტრატეგიული მნიშვნელობა ენიჭება შავ ზღვასა და მოკავშირეების ვალდებულებას, გააძლიერონ ერთობლივი ძალისხმევა.

„ორმხრივ შეხვედრაზე ყურადღება გამახვილდა ევროკავშირის სადამკვირვებლო მისიაში (EUMM) ბულგარელი დამკვრივებლების ჩართულობაზე, ასევე ნატო-საქართველოს არსებითი პაკეტის (SNGP) იმპლემენტაციაში ბულგარელი ექსპერტების მონაწილეობაზე. მხარეებმა თავდაცვის სფეროში ორმხრივი თანამშრომლობის საკითხები მიმოიხილეს. აღინიშნა, რომ ბულგარეთი საქართველოს სანდო და ერთგული პარტნიორია. ამ კუთხით ჯუანშერ ბურჭულაძემ მზადყოფნა გამოთქვა, კიდევ უფრო გააქტიუროს მუშაობა ბულგარეთის რესპუბლიკასთან, რათა თავდაცვის სფეროში ქვეყნებს შორის პარტნიორობა კიდევ უფრო განვითარდეს, რაც ევროპაში ახალი გამოწვევების ფონზე კიდევ უფრო მნიშვნელოვანი გახდა“, - ნათქვამია გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან