ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა ბელგიის დედაქალაქ ბრიუსელში, ევროკომისრებთან გამართული მაღალი რანგის შეხვედრები შეაფასა.

ლევან დავითაშვილის თქმით, ევროკომისრებთან შეხვედრებისას განხილული იყო ეკონომიკის ყველა სექტორული მიმართულება და ევროკავშირთან საქართველოს თანამშრომლობის სხვადასხვა ასპექტი, ასევე პროგრესი იმ მიმართულებებში, რომელიც საქართველოს ევროკავშირთან აახლოებს და მის ინტეგრაცია უწყობს ხელს.

„შეხვედრების ძალიან მნიშვნელოვანი ნაწილი იყო ევროკომისიის 12 რეკომენდაცია, რომელთა შესრულება საქართველოში ინტენსიურად მიმდინარეობს. კომისრებმა დეტალური ინფორმაცია მიიღეს სამუშაო პროცესის, ასევე იმ პოლიტიკური რეფორმების შესახებ, რომელიც საქართველომ წამოიწყო და ძალიან მოკლე ხანში მნიშვნელოვანი პოლიტიკური გადაწყვეტილებები იქნება მიღებული  საქართველოს პარლამენტის მიერ. ძალიან დიდი იმედი გვაქვს, რომ 12 რეკომენდაციის შესრულების შემდეგ, მომავალ წელს, ევროკომისიის მხრიდან საქართველოს კანდიდატის სტატუსი დადასტურდება, ვინაიდან ეს იყო მთავარი მოთხოვნა, რაზეც დღეს გვქონდა მნიშვნელოვანი განხილვები ევროკომისიის წევრებთან", - აღნიშნა ვიცე-პრემიერმა.

ლევან დავითაშვილის განცხადებით, ევროკომისრებთან შეხვედრებისას ასევე განხილული იყო ევროკავშირთან ეკონომიკური კუთხით თანამშრომლობა, რაც პრიორიტეტულია როგორც საქართველოსთვის, ისე ევროკავშირისთვის.

„განსაკუთრებით უნდა აღინიშნოს, რომ საქართველოს ეკონომიკური თანამშრომლობა ევროკავშირისთვის ასევე ძალიან მნიშვნელოვანი ხელისშემწყობი ფაქტორია საქართველოს ევროკავშირში ინტეგრაციის. ამაზე ღიად საუბრობენ ევროკომისრები და ჩვენ დეტალურად განვიხილეთ ის ფლაგმანი პროექტები, რომელიც საქართველოს ევროკავშირთან გააჩნია - ეს არის ენერგეტიკის, კავშირგაბმულობის სფეროში, სავაჭრო მიმართულებით თანამშრომლობა. ეს ყველაფერი, რა თქმა უნდა, კიდევ უფრო დაგვაახლოვებს ევროკავშირთან და ხელს შეუწყობს ჩვენს ინტეგრაციას ევროკავშირში", - აღნიშნა ეკონომიკის მინისტრმა.

ბრიუსელში სამუშაო ვიზიტის ფარგლებში, ლევან დავითაშვილმა შეხვედრები გამართა ევროკომისრებსთან ტრანსპორტის, ენერგეტიკის, ფინანსური სტაბილურობის, ფინანსური მომსახურების და კაპიტალის ბაზრების კავშირის, სამეზობლო პოლიტიკისა და გაფართოების საკითხებში, ბიუჯეტის და ადმინისტრაციის და ვაჭრობის საკითხებში და მათთან ორმხრივი თანამშრომლობის პრიორიტეტული მიმართულებები განიხილა.

ავტორი: NS (სტატია დაფინანსებულია),

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა