თუ ჩვენ იმ ბალაგანს დავაკვირდებით, რაც ატეხილი აქვთ „ნაციონალურ მოძრაობას“ და ზოგიერთ მათთან მიტმასნილ პარტიას ქვეყნის შიგნით და ქვეყნის ფარგლებს გარეთ, კიდევ კარგი ტემპით მივდივართ ნამდვილად, შემიძლია გულწრფელად გითხრათ. ყოველდღიური ძირგამომთხრელი მუშაობა მიმდინარეობს ქვეყნის წინააღმდეგ ევროპულ სტრუქტურებში, - ასე უპასუხა საპარლამენტო უმრავლესობის წევრმა, გია ცაგარეიშვილმა ჟურნალისტის კითხვას, თუ რა მოლოდინი უნდა ჰქონდეს დეკემბრის ბოლოს ევროპული სტრუქტურებისგან.

ცაგარეიშვილმა აღნიშნა, რომ ოპოზიციის წარმომადგენლები თავგამოდებით მუშაობენ ევროპარლამენტში ერთი და იმავე სახეებთან და მსგავსი რამ არ ახსენდება, რომ ევროპელი თუ ამერიკელი ლობისტების მეშვეობით ვინმე ფიქრობდეს აქ საზოგადოებრივი აზრის შეცვლას.

მისივე თქმით, საქართველოს ბედი წყდება თბილისში და საქართველოს მოქალაქეები გადაწყვეტენ დანარჩენი პოლიტიკური ძალების და ხელისუფლებაში მყოფნი ადამიანების ბედს.

„გვაქვს ინფორმაცია, რომ შესაბამის პარტიულ ჯგუფებთან, უფრო ევროპარლამენტში, ისინი თავგამოდებით მუშაობენ ერთი და იმავე სახეებთან, რომლებიც მაშინაც დარდობდნენ, როცა მკვლელი და დამნაშავე ადამიანები აღმოჩნდნენ საპატიმროებში პირველი ოქტომბრის შემდეგ, მათზე ზრუნავდნენ, ივანე მერაბიშვილზე, უგულავაზე, მელიაზე, ნუ სააკაშვილზე ხომ თავგამოდებით ზრუნავენ, არც უნდათ სისხლის სამართლის საქმეებში ჩაიხედონ, ზეწოლას ახდენენ პირდაპირ ჩვენს სასამართლო სისტემაზე და საერთოდ წარმოუდგენელ მოვლენებთან გვაქვს საქმე. ამგვარი რამ არ მახსენდება, ქვეყნის სათავეში მოსვლას ლამობდე გარე ძალების ჩართვით, ლეგალურად და არალეგალურად, უკაცრავად და ფეხებზე გეკიდოს შენი ამომრჩევლის მოსაზრება და ევროპარლამენტარების და სხვა ევროპელი თუ ამერიკელი ლობისტების მეშვეობით ფიქრობდე აქ საზოგადოებრივი აზრის შეცვლას. ბევრჯერ მითქვამს და კიდევ ერთხელ განვმეორდები, საქართველოს ბედი წყდება თბილისში, ჩვენი თვალწარმტაცი, ულამაზესი ქვეყნის ქალაქებსა და სოფლებში. საქართველოს ბედი აღარ წყდება 1990-91 წლიდან მოყოლებული აღარც მოსკოვში და აღარსად და არ გადაწყდება არსად, არც ბრიუსელში, არც ვაშინგტონში, არც ლონდონში, არც პარიზში, არც კინშასაში და არც ტოკიოში. არსად არ გადაწყდება, ეს არის ჩვენი საქმე და უნდა შევეგუოთ ამ ბედს, რომ ანგარიშის ჩაბარება მოგვიწევს ყოველთვის ჩვენი ამომრჩევლისთვის, საქართველოს მოქალაქეებისთვის, ქართველი ხალხისთვის. ეს ადამიანები გადაწყვეტენ მათ შორის, დანარჩენი პოლიტიკური ძალების ბედს და ხელისუფლებაში მყოფნი ადამიანების ბედსაც“, - განაცხადა გია ცაგარეიშვილმა.

ავტორი: NS (სტატია დაფინანსებულია),

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა