სააკაშვილი და გვარამია პოლიტპატიმრები არიან, ივანიშვილი კი ოლიგარქი არ არის. - ამის შესახებ პარლამენტარმა, პარტია „გირჩის" ლიდერმა და ომბუდსმენობის კანდიდატმა, იაგო ხვიჩიამ განაცხადა.

მისივე თქმით, შინაგანი რწმენთ სააკაშვილს სისხლის სამართლის დანაშაული ჩადენილი აქვს, ხოლო გვარამიას რასაც ედავებიან, ეს სისხლის სამართლის დანაშაული საერთოდ არ  არის.

„მიხეილ სააკაშვილი პოლიტპატიმარია. მაგრამ მე ამ ქვეყანაში ვცხოვრობდი მიხეილ სააკაშვილის მმართველობის დროს და მაქვს შინაგანი რწმენა, რომ მას ჩადენილი აქვს სისხლის სამართლის დანაშაული. მაგრამ მიუხედავად იმისა, რომ ჩადენილი აქვს დანაშაული, მჯერა, რომ მიხეილ სააკაშვილი ციხეში არ იქნებოდა, მას რომ 2013 წელს პოლიტიკური საქმიანობა შეეწყვიტა და დაგვმშვიდობებოდა. აქედან გამომდინარე მგონია ის პოლიტპატიმარი და არა იმის გამო, რომ მას დანაშაული არ ჩაუდენია.
რაც შეეხება ნიკა გვარამიას, მიმაჩნია, რომ დანაშაული, რასაც მას ედავებიან, ჩემი აზრით, ეს ქმედება სისხლის სამართლის დანაშაული საერთოდ არ უნდა იყოს. 
ასევე, მინდა ვთქვა, რომ ივანიშვილი არ არის ოლიგარქი და ეს არ არის მისი პრობლემა. ბიძინა ივანიშვილის პრობლემა, ისევე, როგორც სხვა ხელისუფლების მეთაურების პრობლემა იყო ერთპიროვნული მმართველობა.
მე რომ მჯეროდეს, ბიძინა ივანიშვილი სრულად არის ჩამოშორებული ქართულ პოლიტიკას, ალბათ, უფრო ვინერვიულებდი ამ სიტუაციაში“. - ნათქვმია განცხადებაში.

შეგახსენებთ, რომ პარლამენტში სახალხო დამცველობის კანდიდატებს უსმენდნენ.

ავტორი: ექსპრესნიუსი,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა