დროა საქართველოს პრეზიდენტმა, აიღოს პასუხისმგებლობა და გამოიყენოს შეწყალების მექანიზმი,- ასე გამოეხმაურა "ერთიანი ნაციონალური მოძრაობის" წარმომადგენელი, ხატია დეკანოიძე თბილისის სააპელაციო სასამართლოს გადაწყვეტილებას, ნიკა გვარამიას პატიმრობაში დატოვებაზე.

მისი თქმით, პრეზიდენტმა უნდა აიღოს ეს პასუხისმგებლობა, რადგან ეს არ ეხება მხოლოდ მის პოლიტიკურ შეხედულებებს, ეს ეხება საქართველოს ევროინტეგრაციას და მომავალს.

„მინდა ძალიან კონკრეტულად ვთქვა, პირველი ნიკას თავისუფლება ეს არ არის, მხოლოდ და მხოლოდ ნიკას პირადი თავისუფლება, ეს არის ძალიან მნიშვნელოვანი საქართველოს ევროპული ინტეგრაციისთვის, მათ შორის 12 პუნქტის შესასრულებლად, რომელშიც პირდაპირ წერია ნიკას თავისუფლება და ასევე პირდაპირ წერია, რომ ნიკას თავისუფლება მნიშვნელოვანია მედია თავისუფლებისთვის.

მიუხედავად იმისა, რომ ვიცი ნიკას დამოკიდებულება ამ საკითხისადმი, მინდა ღიად მოვუწოდო საქართველოს პრეზიდენტს, სალომე ზურაბიშვილს აიღოს პასუხისმგებლობა ევროპული ინტეგრაციის მიმართულებით და მიმართვის შემთხვევაში გაათავისუფლოს ნიკა გვარამია.

პრეზიდენტმა უნდა აიღოს ეს პასუხისმგებლობა, რადგან ეს არ ეხება მხოლოდ მის პოლიტიკურ შეხედულებებს, ეს ეხება საქართველოს ევროინტეგრაციას და მომავალს. თორემ ნიკა გვარამია თავისუფალია და მან აჩვენა განსაკუთრებული მხნეობის მაგალითი.

ჩვენ ყველას უნდა გვესმოდეს, რომ პრეზიდენტი მოუწოდებს პოლიტიკურ სუბიექტებს პასუხისმგებლობის აღებისკენ, ახლა კი დროა თავად აიღოს ეს პასუხისმგებლობა. გაითავისოს ეს და გამოიყენოს შეწყალების მექანიზმი. დიახ გადადგას ეს ნაბიჯი, რადგან ეს მნიშვნელოვანია საქართველოს ევროპული მომავლისთვის“,- განაცხადა დეკანოიძემ.

შეგახსენებთ, რომ ცოტახნის წინ თბილისის სააპელაციო სასამართლომ მიიღო გადაწყვეტილება „მთავარი არხის“ გენერალური დირექტორი, ნიკა გვარამია პატიმრობაში დაეტოვებინა.

მოსამართლეთა კოლეგიამ მერაბ ჯორბენაძის, ლავრენტი მაღლაკელიძისა და დავით მამისეიშვილის შემადგენლობით, სასამართლოს გადაწყვეტილება, რომელიც გვარამიას სამსახურებრივი უფლებამოსილების ბოროტად გამოყენებას ედავებოდა, ძალაში დატოვა.

ავტორი: ექსპრესნიუსი,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა