მე ვიხდი სასჯელს, სასჯელს, რომელიც არ მეკუთვნის და ეს მაძლიერებს, -  ამის შესახებ "მთვარი არხის" გენერალურმა დირექტორმა, ნიკა გვარამიამ განაცხადა.

როგორც გვარამიამ სასამართლო პროცესზე აღნიშნა, "სხვისი და ქვეყნის თავისუფლებისთვის" იბრძვის.

"ის, რომ მე ამას ვუძლებ, ეს ჩემი არჩევანია იმიტომ, რომ მე თავისუფლება მოსაპოვებელი არ მაქვს, თავისუფალი ადამიანი ვარ. მე ვიბრძვი სხვისი თავისუფლებისა და ჩემი ქვეყნის თავისუფლებისთვის. ის, რომ ასე ვუძლებ ამას, ეს არის ჩემი ბრძოლის ფორმა. სამწუხაროდ, მე ბრძოლის სხვა შესაძლებლობები ნაკლებად მაქვს. ამიტომ, ვიბრძვი ისე, როგორც შემიძლია, როგორც შეიძლება ადამიანი იბრძოდეს ოთხ კედელს შორის უსამართლოდ დატყვევებული. ადამიანის გაძლებაზე უნდა ვილაპარაკოთ მაშინ, როდესაც ისინი სიკვდილს ებრძვიან, როგორც მიშა მაგალითად", - განაცხადა გვარამიამ.

ცნობისთვის, თბილისის სააპელაციო სასამართლოში ნიკა გვარამიას ბოლო პროცესი იმართება. "მთავარი არხის" გენერალურ დირექტორს საქალაქო სასამართლომ 3 წლითა და 6 თვით პატიმრობა 16 მაისს შეუფარდა. მას პროკურატურა "რუსთავი 2"-ის დირექტორობის დროს, სამაუწყებლო კომპანიის "კანონიერი ინტერესების საწინააღმდეგოდ უფლებამოსილების ბოროტად გამოყენებასა და მისი კუთვნილი დიდი ოდენობით თანხის სამსახურებრივი მდგომარეობით გამოყენებას" ედავება.

ავტორი: ექსპრესნიუსი,

სოციალური ქსელები

რუსმა საცალო ვაჭრობის წარმომადგენლებმა გაყიდვიდან ამოიღეს ქართული წარმოების კოკა-კოლა, ნაბეღლავი

იარაღის და სამხედრო საწარმო დელტაში ხანძარი გაჩნდა, იგი ლიკვიდირებულია

პენსი - სანქციების მოხსნა წარმოადგენს გარდაცვლილი სენატორის, ლინდსი გრემის მემკვიდრეობისა და აშშ-ს ლიდერობის ღალატს

რუსეთმა უკრაინას ხუთი მიმართულებით შეუტია: ათობით დრონი ჩაჭრეს, დაღუპულთა და ნგრევის შესახებ ინფორმაცია გავრცელდა