სამწუხაროა, რომ 600-კაციან პარლამენტში 55-მა ადამიანმა ცვლილება შეაპარა,- ამის შესახებ პარლამენტის თავმჯდომარე, შალვა პაპუაშვილმა PACE-ის რეზოლუციაზე განაცხადა.

პაპუაშვილის თქმით, რეზოლუციაში, რომელიც ეხება რუსეთის აგრესიას და უკრაინას, შემოიტანეს ვიწროპოლიტიკური და პარტიული თემა მიხეილ სააკაშვილთან დაკავშირებით.

„საქართველო თანაავტორი იყო ამ რეზოლუციის და სამწუხაროა, რომ 600-კაციან პარლამენტში 55-მა ადამიანმა ისეთი ცვლილება შეაპარა, რომლითაც თავად ამ რეზოლუციასაც გარკვეული ხინჯი მიაყენა იმით, რომ რეზოლუცია, რომელიც ეხება რუსეთის აგრესიას და უკრაინას, შემოიტანეს ვიწროპოლიტიკური და პარტიული თემა მიხეილ სააკაშვილთან დაკავშირებით. ეს ძალიან სამწუხაროა, განსაკუთრებით იმ ფონზე, როცა საქართველო გაერო-ს რეზოლუციის მხარდამჭერი და თანაავტორი იყო. ასევე, როცა IPU-ის ასამბლეაზე საქართველო რეზოლუციის მხარდამჭერი იყო. ამ შესწორების ავტორები იყვნენ „ნაციონალური მოძრაობა“ და სამწუხაროდ, რამდენიმე უკრაინელი პოლიტიკოსი, რომლებიც აკნინებენ ამ რეზოლუციის მნიშვნელობას, როცა ფრჩხილებში ჩაწერილი პარტიული მესიჯებია მოხვედრილი რეზოლუციაში. თავად რეზოლუციას არათუ ჩვენი მხარდაჭერა ექნებოდა, არამედ თანაავტორები ვიყავით“,- განაცხადა პაპუაშვილმა.

შეგახსენებთ, რომ PACE-ის რეზოლუციას, რომელიც რუსეთის ტერორისტულ სახელმწიფოდ გამოცხადებას გულისხმობს, " ქართულმა ოცნებამ" მხარი არ დაუჭირა. მმართველი პარტიის წევრები კენჭისყრას არ დასწრებიან.

ავტორი: ექსპრესნიუსი,

სოციალური ქსელები

ერ-რიადის აეროპორტში მომხდარი დაბომბვის შედეგად 12 ადამიანი დაიღუპა და 300-ზე მეტი დაიჭრა

ილონ მასკი მხარს უჭერს ტრამპს - „ზელენსკიმ ზღვარი გადალახა“

რუსმა საცალო ვაჭრობის წარმომადგენლებმა გაყიდვიდან ამოიღეს ქართული წარმოების კოკა-კოლა, ნაბეღლავი

იარაღის და სამხედრო საწარმო დელტაში ხანძარი გაჩნდა, იგი ლიკვიდირებულია