გარემოს დაცვისა და სოფლის მეურნეობის სამინისტროში ევროკავშირის ტექნიკური დახმარების პროექტის „საქართველოში ნარჩენების მართვისა და ცირკულარული ეკონომიკის განვითარების ხელშეწყობა“ პრეზენტაცია გაიმართა. 

სოფლის მეურნეობის სამინისტროს ცნობით, ორწლიანი პროექტის მიზანს, რომელიც კონსორციუმის - COWI და კავკასიის რეგიონული გარემოსდაცვითი ცენტრის (REC Caucasus) მიერ განხორციელდება - ნარჩენების მართვის პოლიტიკის შემუშავება, ნარჩენების მართვაში ტექნოლოგიური სისტემების დანერგვა და ცირკულარული ეკონომიკის მხარდაჭერა წარმოადგენს.

უწყების ინფორმაციით, ევროკავშირის წარმომადგენლობის ენერგიის, გარემოს დაცვისა და კლიმატის ცვლილებების სექტორის კოორდინატორის, ალექსანდრე დარასის განცხადებით, ორწლიანი პროექტის ფარგლებში, საქართველოში მნიშვნელოვანად გაუმჯობესდება ნარჩენების მართვის პრაქტიკა. პროექტის მოსალოდნელი შედეგი ნარჩენების დახარისხება/გადამუშავება/ხელახალი გამოყენება და საზოგადოებაში მწვანე ეკონომიკის კონცეფციის დანერგვის მხარდაჭერაა.

ასოცირების ხელშეკრულების ხელმოწერამ ქვეყანაში ნარჩენების ეროვნული პოლიტიკისა და საკანონმდებლო ბაზის ჰარმონიზაციის პროცესი  მნიშვნელოვნად დააჩქარა. აღსანიშნავია, რომ ნარჩენების მართვის სექტორში საქართველოს მთავრობის, საერთაშორისო პარტნიორების და არასამთავრობო სექტორის ერთობლივი ძალისხმევით მნიშვნელოვანი ნაბიჯები გადაიდგა.

პროექტის განხილვას სამინისტროს შესაბამისი სამსახურის ხელმძღვანელი პირები, საერთაშორისო ორგანიზაციების წარმომადგენლები და დაინტერესებული მხარეები ესწრებოდნენ.

ავტორი: NS (სტატია დაფინანსებულია),

სოციალური ქსელები

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, კიდევ 18 მეწარმე გადამზადდა

ეკონომიკური ზრდა მოლოდინებთან თანხვედრაშია, ინფლაციის სტრუქტურა იცვლება.

არასამთავრობო ორგანიზაციები პატიმრის გაუპატიურების ფაქტზე ხელისუფლების დაუყოვნებლივ რეაგირებას ითხოვენ