„ჩვენ არ გვსურს კონფლიქტი რუსეთთან, არც პრეზიდენტ პოროშენკოს, არც შტატებს  და არც ევროპულ გაერთიანებას. ჩვენ საკითხის დიპლომატიური გზით მოგვარება გვსურს“,-ამის შესახებ ამერიკის შეერთებული შტატების სახელმწიფო მინისტრმა  ჯონ ქერიმ  უკრაინის პრეზიდენტთან პეტრო პოროშენკოსთან შეხვედრისას განაცხადა.

ქერის თქმით,აშშ „თვალს ვერ დახუჭავს“ იმაზე,  თუ როგორ შედიან რუსეთის ტანკები უკრაინაში და კვეთენ მის საზღვარს.

„ჩვენ არ გვსურს კონფლიქტი რუსეთთან, ეს არავის არ  სურს, არც პრეზიდენტ  პოროშენკოს არც შეერთებულ შტატებს  და არც ევროპულ გაერთიანებას. ჩვენ საკითხის დიპლომატიური გზებით მოგვარება  გვინდა, მაგრამ  თვალს ვერ დავხუჭავთ იმაზე, რომ ტანკები საზღვარს კვეთენ და რუსეთიდან უკრაინის ტერიტორიაზე შემოდიან. აღმოსვალეთ რეგიონებში ამოუცნობი  სამკერდე ნიშნების მქონე რუსები იბრძვიან, თვალს ვერ დავხუჭავთ  სეპარატისტების თანამედროვე  შეიარაღებაზე“,-განაცხადა ქერიმ.

ამასთან აშშ-ს სახელმწიფო მინისტრმა აღნიშნა, რომ   რუსეთმა საკუთარი არჩევანი  არამარტო სიტყვებით, არამედ ქმედებით უნდა გააკეთოს.

„ჩვენ კონფლიქტის მშვიდობიანი გზებით გადაჭრა გვსურს.  დიპლომატია ჩვენი არჩევანია, მაგრამ საკუთარი  არჩევანი უნდა გააკეთოს რუსეთმაც და ეს არამარტო სიტყვებით  არ  უნდა  გამოითქვას, არამედ-  ქმედებებით. ეს  არის პატივისცემა მინკის შეთანხმების, რომელსაც თავად მოაწერეს ხელი. სამწუხაროდ, ძალადობა დონბასში  კიდევ  უფრო გამძაფრდა, იქ ყოველდღიურად უდანაშაულო ადამიანები იღუპებიან“,-აღნიშნა ჯონ ქერიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო