მე ამ შენობაში მივეცი ჩვენება, რომ მისაი სეიდოლმა, აზერბაიჯანის პენიტენციური სამსახურის მოადგილემ მითხრა, რომ აზერბაიჯანმა ჩემს გატაცებაში საქართველოს 3 მლნ დოლარი გადაუხადა. - ამის შესახებ აზერბაიჯანელმა ჟურნალისტმა, აფგან მუხთარლიმ განაცხადა.

მისივე თქმით,თუ პროკურატურა არ მიიღებს ჩვენებას ივანიშვილისა და გომელაურისგან,  სასამართლოში წავლენ ჯერ საქართველოში, როდესაც აქ ყველა ინსტანციას ამოწურავენ, შემდეგ ევროპულ სასამართლოში. 

"თუ პროკურატურა არ მიიღებს ჩვენებას ივანიშვილისა და გომელაურისგან, ჩვენ სასამართლოში წავალთ ჯერ საქართველოში, როდესაც აქ ყველა ინსტანციას ამოვწურავთ, შემდეგ წავალთ ევროპულ სასამართლოში. მე აუცილებლად გავაკეთებ ყველაფერს, რომ ივანიშვილი და გომელაური დაკითხონ. 
კანონის მიხედვით ასეა, ისინი საქართველოს მოქალაქეები არიან და კანონი მოითხოვს, რომ მათ ჩვენებები მისცენ, ისინი ამაზე უარს ვერ იტყვიან. მე ამ შენობაში მივეცი ჩვენება, რომ მისაი სეიდოლმა, აზერბაიჯანის პენიტენციური სამსახურის მოადგილემ მითხრა, რომ აზერბაიჯანმა ჩემს გატაცებაში საქართველოს 3 მლნ დოლარი გადაუხადა, სხვებმაც მითხრეს ეს. კერძოდ კი აზერბაიჯანის სასაზღვრო დეპარტამენტის წარმომადგენლებმა და ყველაფერ ამის შესახებ ჩვენება მივეცი ამ შენობაში. 
კიდევ ჩვენთან არის აკიფ შორდაროვი, გენერალი რომელსაც ბრალად ედებოდა, რომ კონტრდაზვერვის ფული 10 მლნ დოლარი გაფლანგა საქართველოს ტერიტორიაზე. მისი სასამართლო დახურული იყო, რამდენიმე ხანი დახურულ რეჟიმში მიმდინარეობდა, შემდეგ კი ამ გენერალს ბრალდებები მოუხსენეს". - ნათქვამია განცხადებაში.

შეგახსენებთ, რომ სუს-ის უფროსის ყოფილმა მოადგილემ, სოსო გოგაშვილმა, წლების შემდეგ დაადასტურა, რომ აზერბაიჯანელი გამომძიებელი ჟურნალისტის თბილისიდან მოტაცება და აზერბაიჯანული მხარისთვის გადაცემა სწორედ სახელმწიფო უსაფრთხოების  სპეცოპერაცია იყო.

ავტორი: ექსპრესნიუსი,

სოციალური ქსელები

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება

ბერნჰემი: რუსეთი ჩაერია დიდი ბრიტანეთის ევროკავშირიდან გასვლის შესახებ რეფერენდუმში