ომმა, რომელიც 30 წლის წინ აფხაზეთში  დაიწყო, სრულად შეცვალა ჩვენი უახლესი ისტორია, - ასე ეხმაურება სოხუმის დაცემის დღეს გარემოს დაცვისა და სოფლის მეურნეობის მინისტრი ოთარ შამუგია.

შამუგიას თქმით, ომმა ათასობით ადამიანის სიცოცხლე იმსხვერპლა, უფრო მეტი კი, დევნილად აქცია.

"27 სექტემბერი სოხუმის დაცემის დღეა. ომმა, რომელიც 30 წლის წინ აფხაზეთში  დაიწყო, სრულად შეცვალა ჩვენი უახლესი ისტორია.  ამ ომს ემსხვერპლა ათასობით ადამიანის სიცოცხლე, 300 ათასზე მეტი კი, დევნილად იქცა. მათ შორის ვარ მეც; მეც იძულებით დავტოვე აფხაზეთი და საკუთარ თავზე გამოვცადე ყველა ის სიმძიმე, რაც ომს და შეიარაღებულ კონფლიქტებს ახლავს თან", - აცხადებს ოთარ შამუგია. 

მინისტრის თქმით, დღეს, როდესაც საქართველოს ტერიტორიის 20% ოკუპირებულია, დეოკუპაცია ქვეყნის დღის წესრიგის მთავარი საკითხია.

"სამწუხარო რეალობაა, რომ ჩვენ კიდევ რამდენიმე ომი გამოვიარეთ, დავკარგეთ მებრძოლი ახალგაზრდები და მშვიდობიანი მოსახლეობა. დღეს, საქართველოს ტერიტორიის 20 პროცენტი რუსეთის მიერ არის ოკუპირებული. ჩვენ განსაკუთრებულ პატივს მივაგებთ ჩვენი ქვეყნის ტერიტორიული მთლიანობისათვის ბრძოლაში დაღუპულ გმირებს. მათი გმირული თავდადების ისტორია იციან მომავალმა თაობებმა და ის არასოდეს მიეცემა დავიწყებას. დეოკუპაცია და ტერიტორიული მთლიანობა ქვეყნის დღის წესრიგის მთავარი ნაწილია. სწორი პოლიტიკით ამ მიზნისკენ ნაბიჯ-ნაბიჯ, მშვიდობიანი გზით აუცილებლად მივალთ", - აღნიშნა შამუგიამ.

ავტორი: NS (სტატია დაფინანსებულია),

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება