ნიკა მელიას განცხადება და რადიკალური ოპოზიციის განცხადებები, რომლებიც მას აკრიტიკებენ ან ტონს უწუნებენ კეზერაშვილის მიმართ, ცხადყოფს, რომ კეზერაშვილი არის მთავარი დამფინანსებელი და მთავარი არაფორმალური გავლენის მქონე პირი მთელ რადიკალურ ოპოზიციაზე, – ამის შესახებ საპარლამენტო უმრავლესობის წევრმა, ბექა დავითულიანმა საქართველოს პირველ არხს განუცხადა.

მისივე თქმით, ამაზე თავად საუბრობენ.

ამასთან, როგორც ბექა დავითულიანი ამბობს, აღმოჩნდა, რომ დეოლიგარქიზაცია რადიკალურ ოპოზიციას და „ნაციონალურ მოძრაობას“ სჭირდება.

„ამას თავისი პირით ამბობენ, როცა ისინი დეოლიგარქიზაციაზე საუბრობენ. თუ ვინმეს დეოლიგარქიზაცია სჭირდება, აღმოჩნდა, რომ ეს არის რადიკალური ოპოზიცია და „ნაციონალური მოძრაობა“. ამაში აუცილებლად დავეხმარებით, კანონს მივიღებთ და მათ დავით კეზერაშვილის არაფორმალური გავლენისგან გავათავისუფლებთ. უკრაინულ კანონმდებლობაზე დეოლიგარქიზაციის კანონში კრიტერიუმები არის განსაზღვრული, მათ შორისაა გარკვეული თანხის ფლობა, პარტიისა და მედიის დაფინანსება. კეზერაშვილს ოთხიდან სამი კრიტერიუმი აქვს. ევროკავშირმა გვითხრა, დეოლიგარქიზაციის კანონი მიიღეთო. ოპოზიციამ თქვა, სასწრაფოდ მისაღებიაო, შემდეგ უარი თქვეს. კეზერაშვილს „ნაციონალური მოძრაობის“ პოლიტსაბჭოში ხალხი ჰყავს ჩასმული და ნიკა მელიაც ამ დაფინანსებას სიამოვნებით იღებდა. ეგუებოდა კეზერაშვილის არაფორმალურ გავლენას, მაგრამ, როგორც ჩანს, დაპირისპირება მოუვიდათ და აღარ უნდა მასთან პარტიული თვალსაზრისით, შერჩეული იყოს. ამას მისი პარტიის ნაწილი ეწინააღმდეგება. რა ინტერესი აქვს კეზერაშვილს? – რაც მანამდე ჰქონდა, არაფორმალური გავლენებით დიდი ფული იშოვა. ალბათ იმედი აქვს, ეს შესაძლებლობა მომავალშიც მიეცემა.“, – განაცხადა ბექა დავითულიანმა.

დავითულიანმა „ნაციონალურ მოძრაობაში“ დაპირისპირების შესახებაც გააკეთა კომენტარი და აღნიშნა, რომ მათ თავიანთი ქმედებებით შეძლეს და პარტიის რეიტინგი რვა პროცენტამდე შეამცირეს.

„რაც შეეხება „ნაციონალურ მოძრაობაში“ დაპირისპირებას, ერთმანეთს ეჩხუბებიან და ამასაც ჩვენ გვაბრალებენ. აღარ იჩხუბონ და ჩვენი ბრალი აღარ იქნება. თავისი ქმედებებით ის შეძლეს, რომ რეიტინგი რვა პროცენტამდე შეამცირეს“, – აღნიშნა ბექა დავითულიანმა.

ავტორი: NS (სტატია დაფინანსებულია),

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება