ბიძინა ივანიშვილი არც ერთ შემთხვევაში არ გადადგამს ისეთ ნაბიჯს, რომელიც ქვეყანას განადგურებას უქადის და ასეთია მეორე ფრონტი. მეორე ფრონტი იქნება უმძიმესი, გამანადგურებელი შედეგების მომტანი ჩვენი ქვეყნისთვის და არავითარი შანტაჟი მას არ აიძულებს, რომ ასეთი ნაბიჯი გადადგას, ეს მან საჯაროდ თქვა - ამის შესახებ „ქართული ოცნების“ თავმჯდომარე ირაკლი კობახიძემ "ღამის კურიერში" განაცხადა.

მისი თქმით, არსებობს რაღაც ომის პარტია, ამ ომის პარტიას აქვს ქართული ფილიალი მათ შორის ნაცმოძრაობის სახით და სწორედ ამ შანტაჟის ინტერესებიდან გამომდინარე, ისინი ავრცელებენ ასეთ ინფორმაციას, იღებენ ასეთ რეზოლუციებს, რომლებიც მთლიანად სიცრუით არის გაჯერებული.

"ეს არის ომის პარტია თავის ფილიალით, ნაცმოძრაობის სახით საქართველოში, მათ აქვთ ინტერესი, რომ საქართველოში გაიხსნას მეორე ფრონტი და ამასთან არის ეს ყველაფერი დაკავშირებული. რაც არის ღია ინფორმაცია, ამას საზოგადოება აკვირდება. ესენი არიან მაგალითად უკრაინის ხელისუფლების მაღალჩინოსნები, ცალკეული ევროპარლამენტარები. ინტერესია მეორე ფრონტი. ისინი ხედავენ, რომ ჩვენ არ ვიღებთ გადაწყვეტილებას ომთან დაკავშირებით, არ ვდგამთ შესაბამის ნაბიჯს, იციან მათ ბიძინა ივანიშვილის გავლენა საზოგადოებაში, ის გუნდის დამფუძნებელია და რომ მოინდომოს პოლიტიკაში დაბრუნება, მისთვის ეს ძალიან ადვილი იქნება ყველაფრის გათვალისწინებით, მისი რესურსის, მის მიმართ საზოგადოების და გუნდის დამოკიდებულების გათვალისწინებით და მას შეუძლია ამაზე თეორიულად გავლენის მოხდენა. თუმცა, მან დააფიქსირა თავის წერილში, რომ არც ერთ შემთხვევაში, რაც არ უნდა მილიარდ ნახევარი დოლარი თუ ნებისმიერი რამ გაუჩერონ, ის არც ერთ შემთხვევაში არ გადადგამს ისეთ ნაბიჯს, რომელიც ქვეყანას განადგურებას უქადის და ასეთია მეორე ფრონტი. მეორე ფრონტი იქნება უმძიმესი, გამანადგურებელი შედეგების მომტანი ჩვენი ქვეყნისთვის და არავითარი შანტაჟი მას არ აიძულებს, რომ ასეთი ნაბიჯი გადადგას. ეს მან საჯაროდ თქვა. ჩვენ დასაკარგი ბევრად ნაკლები გვაქვს, ვიდრე ბიძინა ივანიშვილს, შანტაჟი ჩვენ მიმართაც შეიძლება განხორციელდეს და შეიძლება ხორციელდება კიდეც სხვადასხვა ფორმით, მაგრამ ვერაფერი ჩვენ ვერ გვაიძულებს, რომ ქვეყნის განადგურებას მოვაწეროთ ხელი, ეს გამორიცხულია“ - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება