რუსეთს ჩვენი საჰაერო სივრცე დიდად არ სჭირდება ასეთი საქმისთვის, - ასე ეხმიანება "ქართული ოცნების" თავმჯდომარე, ირაკლი კობახიძე გავრცელებულ ინფორმაციას იმის შესახებ, რომ სანქცირებული ირანული თვითმფრინავი საქართველოს გავლით გაფრინდა და რუსეთში დაეშვა.

მისი თქმით, ეს საკითხი არის ეკონომიკის სამინისტროს პრეროგატივა და ისინი განმარტავენ ყველაფერს.

"ერთი, რომ რუსეთს ჩვენი საჰაერო სივრცე დიდად არ სჭირდება ასეთი საქმისთვის, ეს ერთი. მეორე - ეკონომიკის სამინისტრომ გააკეთა კომენტარი და  დამატებითი განმარტებებიც თუ იქნება საჭირო, რა თქმა უნდ ამას გააკეთებენ. ეს არის არსებითად ეკონომიკის სამინისტროს პრეროგატივა და ისინი განმარტავენ ყველაფერს" , - ამბობს კობახიძე. 

ცნობისთვის, პარტია "დროას" ლიდერის, ელენე ხოშტარიას განცხადებით, 4 სექტემბერს საქართველოს გავლით აფრინდა ირანული თვითმფრინავი, რომელიც სანქცირებულ ავია კომპანია Iran Air-ს ეკუთვნის.ხოშტარიას თქმით, სატვირთო თვითმფრინავი დაეშვა რუსეთის აეროპორტებში და არსებობს ვარაუდი, რომ ირანი სწორედ ამ გზით აწვდის იარაღს რუსეთს უკრაინის წინააღმდეგ. 

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება