ცვლილებები განაპირობა კონკრეტული დანაშაულების კომპლექსურობამ, დანაშაულის ჩადენის ტექნოლოგიურმა განვითარებამ, რომლებიც, განსაკუთრებით, დღევანდელი გეოპოლიტიკური გამოწვევების გათვალისწინებით, ჩვენი მოქალაქეების სიცოცხლესა და უსაფრთხოებას შესაძლოა, მომეტებულ საფრთხეს უქმნიდეს. - ამის შესხებ ურიდიულ საკითხთა კომიტეტის თავმჯდომარემ, ანრი ოხანაშვილმა ბრიფინგზე, ფარულ საგამოძიებო მოქმედებებთან დაკავშირებულ ცვლილებებზე განაცხადა, რომელიც „საქართველოს  სისხლის სამართლის საპროცესო  კოდექსში" შევიდა.

მისივე თქმით, ამიტომ ხელისუფლების ვალდებულებაა განახორციელოს ცვლილებები, რომელიც საგამოძიებო ორგანოებს მისცემს დანაშაულის ჩადენის თანამედროვე მეთოდებთან ბრძოლის კიდევ უფრო ეფექტიან სამართლებრივ შესაძლებლობებს.

„ფარული საგამოძიებო მოქმედების გახანგრძლივება და პოტენციური დამნაშავისთვის ამის შესახებ შეტყობინების გადავადება შესაძლებელი გახდა შემდეგ დანაშაულებთან მიმართებით: წინასწარი შეცნობით ორსული ქალის მკვლელობა; ოჯახის წევრის მკვლელობა; არასრულწლოვნის ან შშმ პირის მკვლელობა; 2 ან მეტი პირის მკვლელობა; მკვლელობა განსაკუთრებული სისასტიკით, შეკვეთით ან ანგარებით;  ტრეფიკინგი და არასრულწლოვნით ვაჭრობა; ქურდული სამყაროს საქმიანობის მხარდაჭერა; წამების მუქარა; ნარკოტიკული საშუალებების გასაღება; ტერორიზმი და კაცობრიობის წინააღმდეგ მიმართული დანაშაულები. ამრიგად, ჩვენ მიერ მიღებული ცვლილებები სწორედ რომ საზოგადოების თითოეული წევრის უსაფრთხოებისა და სიცოცხლის დაცვას ემსახურება". - განაცხადა ოხანაშვილმა.

შეგახსენებთ, რომ აშშ-ს საელჩომ აღნიშნულ კანონზე განაცხადა რომ ის ევროატლანტიკური სტრუქტურებისგან დაშორებული გადაწყვეტილება და ნაბიჯი იყო.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება