პარტია "დროას" ლიდერის, ელენე ხოშტარიას განცხადებით, 4 სექტემბერს საქართველოს გავლით აფრინდა ირანული თვითმფრინავი, რომელიც სანქცირებულ ავია კომპანია Iran Air-ს ეკუთვნის.

ხოშტარიას თქმით, სატვირთო თვითმფრინავი დაეშვა რუსეთის აეროპორტებში და არსებობს ვარაუდი, რომ ირანი სწორედ ამ გზით აწვდის იარაღს რუსეთს უკრაინის წინააღმდეგ. 

"2022 წლის 4 სექტემბერს საფრენი საშუალება ბოინგ 747, ტიპი B742 აფრინდა ირანის ისლამური რესპუბლიკის ტერიტორიიდან, ქალაქ რაშტ-თან არსებული აეროპორტიდან, რომელსაც ორგვარი - სამოქალაქო და სამხედრო სტატუსი აქვს. თვითმფრინავი ამერიკის მიერ სანქცირებულ ავია კომპანია Iran Air-ს ეკუთვნის. სანქცირების ოფიციალური მიზეზი სამხედრო შეიარაღებისა და სამხედრო პერსონალის ირანის საზღვრებს მიღმა ტრანსპორტირება გახდა. 

თვითმფრინავმა ქალაქ ერევანთან მდებარე ზვარტნოტსის აეროპორტთან გათიშა სარადარო სისტემა. 
სომხეთიდან თვითმფრინავი შემოფრინდა საქართველოს საჰაერო სივრცეში, საიდანაც შევიდა რუსეთის ფედერაციაში და ფრენა მოსკოვში დაასრულა. 

სავარაუდოდ ფრენასაქართველოს გავლით განხორციელდა, რადგან აზერბაიჯანმა საკუთარი საჰაერო სივრცე არ დაუთმო ირანიდან რუსეთში მიმავალ სატვირთო თვითმფრინავს. 

5 სექტემბერს იგივე საფრენი საშუალება კასპიის ზღვის გავლით დაბრუნდა ირანში. 

ისრაელის ერთი-ერთი მედია საშუალების მტკიცებით, ათობით ირანის ისლამური რევოლუციური გუშაგთა კორპუსის კუთვნილი სატვირთო თვითმფრინავი დაეშვა რუსეთის აეროპორტებში უკრაინაში რუსეთის სამხედრო აგრესიის დაწყების შემდეგ. ბოლო მიწოდება სწორედ 4 სექტემბერს განხორციელდა. ირანის რევოლუციური გუშაგთა კორპუსი აშშ-ს ტერორისტული ორგანიზაციების სიაში ჰყავს შეყვანილი. არსებობს ვარაუდი, რომ ირანი სწორედ ამ გზით აწვდის იარაღს რუსეთს უკრაინის წინააღმდეგ", -  განაცხადა ხოშტარიამ.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება