რუსულმა მედიამ გაავრცელა ვიდეო, რომელშიც უკრაინაში მებრძოლი ქართველი სამხედროს პირადი საქმე ჩანს
რუსულმა პროპაგანდისტულმა მედიამ გაავრცელა ვიდეო, სადაც ჩანს როგორ იპოვეს რუსებმა დონბასში უკრაინის მიერ დაქირავებული მებრძოლების მონაცემები ქალაქ ლისიჩანსკში.
სიუჟეტში ფიგურირებს ქართველი პროფესიონალი სამხედრო, მიხეილ ქამხაძე, რომელიც, რუსული მხარის მტკიცებით, უკრაინელების ინსტრუქტორი იყო და მათ წვრთნებს უტარებდა. ქამხაძე ამბობს, რომ თავისი საქმე საქართველოს თავდაცვის სამინისტროდან არ გაუტანია და დოკუმენტები უწყებაში უნდა ყოფილიყო დაცული.
ქართველი სამხედრო ვარაუდობს, რომ უწყების არქივის დეპარტამენტმა საქმე კრემლს მიჰყიდა.
ავტორი: ექსპრესნიუსი, 
epn.ge (@expressnews.ge)
