ძალადობრივი პუტინისტური ჯგუფის ერთ-ერთი ლიდერის შოთა მარტინენკოს მოწოდების შემდეგ, ჰომოფობიური აქციის მონაწილეებმა, ევროკავშირის და ნატოს დროშები დემონსტრაციულად დახიეს.
პრორუსული და პუტინისტური "ალტინფოს" ლიდერმა მარტინენკომ პარლამენტის წინ აქციაზე განაცხადა, რომ მიმდინარე აქცია არის ანტიევროპული და ანტიდასავლური.
"ჩვენ არც ვმალავთ დიახ, ეს აქცია არის ანტიევროპული და ანტინატოს აქცია. ამიტომ გააკეთეთ წრე და აქვე პარლამენტის წინ დავხიოთ ევროკავშირის და ნატოს დროშები" - განაცხადა პუტინისტმა მარტინენკომ
მან ხაზი გაუსვა, რომ ალტინფო და კონსერვატული მოძრაობა კატეგორიული წინააღმდეგია საქართველოს ნატოში და ევროკავშირში გაწევრიანების.
ამ განცხადების შემდეგ მოძალადეთა ჯგუფმა, ნატოს და ევროკავშირის დროშები დახიეს. 
ამასთან, მათ დახიეს ლგბტქ ცისარტყელის დროშებიც.
მიმდინარე წლის 3 იანვრიდან ევროკავშირის დროშის შებღალვა დასჯადი გახდა. ათასლარიანი, განმეორების შემთხვევაში კი - ორიათასლარიანი ჯარიმა, ან 15-დღიანი ადმინისტრაციული პატიმრობა - 2022 წლის 13 იანვრიდან სწორედ ასე ისჯება ევროკავშირის, ნატოს და საქართველოსთან დიპლომატიური ურთიერთობის მქონე ქვეყნის სიმბოლოების შებღალვა.

ავტორი: ექსპრესნიუსი,

სოციალური ქსელები

უკრაინის საჰაერო ძალებს არ მიუღიათ წინასწარი ინფორმაცია კიევის დაბომბვისას

ტრამპი ცდილობს, უკრაინა კაპიტულაციაზე აიძულოს, — The Atlantic

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება