მე ჩემ პოზიციაზე დავრჩებოდი, უფრო მეტს ვიტყოდი, მაგრამ დღეს ვინაიდან ჩვენ მივიღეთ ის რაც მივიღეთ და ეს არის დამსახურებული, მივიღეთ რაც დავიმსახურეთ, მე აღარ ვთვლი საჭიროდ, რომ ამ თემაზე გავაგრძელო დისკუსია,- ამის შესახებ საქართველოს პრემიერ-მინისტრმა ირაკლი ღარიბაშვილმა,  მთავრობის ადმინისტრაციაში გამართულ ბრიფინგზე განაცხადა.

ღარიბაშვილის თქმით, ის აღარ აპირებს ევროკავშირს „ახადოს ფარდა“.

„მე მინდა ჩვენ ხალხს ავუხსნა და თქვენ აგიხსნათ შემდეგი, მე გავაკეთე განცხადება, რომელიც თქვენ ახსენეთ მას შემდეგ რაც მოვისმინეთ და ვიხილეთ ჩვენ სრულიად შეურაცხმყოფელი რეზოლუცია, რომელიც მიიღო ევროპარლამენტმა, მათ შორის ჩვენი ოპოზიციის აქტიური ჩართულობით, მათი პარტნიორების, ლობისტების უშუალო მონაწილეობით და უშუალო კენჭისყრაში მონაწილეობით. ჩემი მაშინდელი ემოციური რეაქცია იყო აბსოლუტურად გააზრებული და მე ეს შეგნებულად გავაკეთე და რომ არა ჩემი და ჩემი გუნდის პრინციპული ასე ვთქვათ დამოკიდებულება და საჯარო მიმართვა ევროპისადმი, შესაძლოა, ვახსენებ რა ჩვენს ოპონენტებს და მათ ლობისტებს, მათ პარტნიორებს, შესაძლოა საქართველოს დღეს არ მიეღო ეს დამსახურებული ევროპული პერსპექტივა, ამის რისკები დავინახეთ ჩვენ. ვინაიდან, წარმოგიდგენიათ, ყოვლად უსამართლო, შეურაცხმყოფელი რეზოლუცია იქნა მიღებული და ჩვენ ეს ღიად ვთქვით ყოველგვარი დაფარვისა და მიკიბ მოკიბვის გარეშე, ცალსახად და ერთმნიშვნელოვნად, რომ ჩვენ არ შევეგუებით უსამართლობას და შეურაცხყოფას და ყოველთვის გვექნება ძალიან მძაფრი და სამართლიანი, პროპორციული შეფასებაც, ქმედებაც და რეაქციაც. რომ არა ჩვენი ასე ვთქვათ პრინციპულობა, ჩვენ ამ პრინციპულობას, ჩემი და ჩემი გუნდის, გარკვეული როლი ამაში მიუძღვის, ამ ჩვენმა პრინციპულმა, მტკიცე დამოკიდებულებამ, ჩვენმა დემონსტრაციამ ასე ვთქვათ, თავისი როლი შეასრულა.

მე რა თქმა უნდა არ ვცვლი ჩემ პოზიციას, ჩვენ რომ არ გვეხილა ასე ვთქვათ ასეთი სწორი, სამართლიანი გადაწყვეტილება, რა თქმა უნდა, მე ჩემ პოზიციაზე დავრჩებოდი, უფრო მეტს ვიტყოდი, მაგრამ დღეს ვინაიდან ჩვენ მივიღეთ ის რაც მივიღეთ და ეს არის დამსახურებული, მივიღეთ რაც დავიმსახურეთ, მე აღარ ვთვლი საჭიროდ, რომ ამ თემაზე გავაგრძელო დისკუსია“,- განაცხადა პრემირმა.

შეგახსენებთ, რომ 11 ივნისს პრემიერმა თქვა, რომ თუ ევროკავშირის სტატუსის მიღებაზე გადაწყვეტილება უსამართლო იქნებოდა „ყველაფერს ფარდას ახდიდა".

ამასთან, გუშინ ევროკავშირის საბჭომ მიიღო გადაწყვეტილება, აღიაროს საქართველოს ევროპული პერსპექტივა და მზადაა, წევრობის კანდიდატის სტატუსი მიანიჭოს, როგორც კი დასახული პრიორიტეტები შესრულდება.

ევროკავშირის საბჭოს გადაწყვეტილებით, უკრაინასა და მოლდოვას ევროკავშირის წევრობის კანდიდატის სტატუსი გუშინვე მიენიჭათ.

ავტორი: ექსპრესნიუსი,

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს