2022-06-22 19:09:12, 1158 ნახვა

---

თალაკვაძე - პრეზიდენტის ვეტო გაუგებარია, ამიტომ შემდეგ სესიაზე მოსმენების კანონს ჩვენ კვლავ მხარს დავუჭერთ

პრეზიდენტის ვეტო გაუგებარია, მოსმენების კანონს კვლავ მხარს დავუჭერთ. - განაცხადა "ქართული ოცნების" დეპუტატმა და ვიცესპიკერმა არჩილ თალაკვაძემ.

მისივე თქმით, ეს კანონპროექტი 2-3 წლის განმავლობაში იყო განხილული ყველა დაინტერესებულ მხარესთან.

"კანონპროექტი განიხილებოდა ყველა დაინტერესეულ მხარესთან, ის ზუსტად პასუხობს ყველა გამოწვევას, ამიტომ პრეზიდენტის ვეტო გაუგებარია, ვეტოს შემდეგ საკითხი უბრუნდება პარლამენტს, ჩვენ ერთხელ უკვე დავუჭირეთ მხარი და მივიღეთ ეს ცვლილებები პარლამენტში, რადგან არსებობს სათანადო არგუმენტაცია ამ ცვლილებებისთვის, რა თქმა უნდა, შემდეგ სესიაზე, როდესაც საკითხი პარლამენტს დაუბრუნდება, ჩვენ განვიხილავთ და მივიღებთ კვლავ მხარდამჭერ გადაწყვეტილებას" . ნათქვამია განცხადებაში.

შეგახსენებთ, რომ სალომე ზურაბიშვილმა კანონს ვეტო დაადო, რომელიც ეხება მოსმენების გაფართოებას, ეს არის ნიშანი, რომ ის არ ეთანხმევა გადაწყვეტილებას.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი