2022-06-21 16:34:17, 747 ნახვა

---

მამუკა მდინარაძე - მთავარი საკითხი, რომელზეც ყველანი შეთანხმებულები ვართ, არის ქვეყნის ევროპული მომავალი.

,,მთავარი საკითხი, რომელზეც ყველანი შეთანხმებულები ვართ,  ეს არის ამ ქვეყნის ევროპული მომავალი. არა მხოლოდ ეს ადამიანები, არამედ ამ ქვეყანაში 3 მილიონზე გაცილებით მეტი ადამიანი ეთანხმება  იმ ლოზუნგს, რომელიც გუშინ გაახმოვანეს,’’ - განაცხადა ,,ქართული ოცნების’’ აღმასრულებელმა  მდივანმა მამუკა მდინარაძემ ჟურნალისტებთან საუბრის დროს. 

როგორც მამუკა მდინარაძემ აღნიშნა, სამ მილიონზე მეტი ადამიანი ეთანხმება ლოზუნგს - ,,შინ, ევროპისკენ,’’ თუმცა, ამ ადამიანების დიდი ნაწილი არ იზიარებს მიხეილ სააკაშვილის გეგმებს. 

,,ეს ორად უნდა გავყოთ. ერთი მხრივ, მათ თავისი მიზნები ჰქონდათ, რა თქმა უნდა, და მეორე მხრივ, მათ გაახმოვანეს სწორი მესიჯი -  „შინ, ევროპისკენ“. ამ მესიჯის ქვეშ, ბევრმა ადამიანმა მოიყარა თავი, მაგრამ, მეორე მხრივ, მიშა სააკაშვილის გეგმებს დარწმუნებული ვარ, იმ ადამიანებიდან 10% არ უჭერდა მხარს და ეს უნდა გავმიჯნოთ,’’ - განაცხადა მამუკა მდინარაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი