|
2022-06-14 14:39:27, 1456 ნახვა
ეკონომიკა
ომის დაწყებიდან 100 დღეში რუსეთმა ენერგორესურსების ექსპორტით 98 მილიარდი დოლარი მიიღო
უკრაინის წინააღმდეგ ომის დაწყებიდან 100 დღეში, ენერგორესურსების ექსპორტის საშუალებით რუსეთის ფედერაციამ, დაახლოებით, 98 მილიარდი დოლარის მოცულობის შემოსავალი მიიღო. ფინური კვლევითი ინსტიტუტის (CREA) ანგარიშის თანახმად, იმპორტიორებს შორის პირველ ადგილს ევროკავშირი იკავებს, რომელმაც აღნიშნულ პერიოდში რუსეთისგან 60 მილიარდი ევროს გაზი, ნავთობის და საწვავი შეიძინა. რუსეთის შემოსავლის უდიდესი ნაწილი ნედლ ნავთობზე მოდის ($48.2 მლრდ), მეორე ადგილს ბუნებრივი აირი იკავებს ($25.1 მლრდ), მესამეზე ნავთობპროდუქტებია ($13.6 მლრდ), შემოსავლის ძირითად წყაროებს შორის მეოთხე ადგილს თხევადი გაზი იკავებს ($5.3), ხოლო მეხუთე ადგილზე ქვანახშირის ექსპორტია ($4.8). რუსული ენერგორესურსების უმსხვილესი იმპორტიორები ასე ნაწილდება: 1. ჩინეთი - $13.2 მლრდ; მიუხედავად იმისა, რომ გასული წლის ანალოგიურ პერიოდთან შედარებით რუსეთიდან ექსპორტირებული ნავთობისა თუ გაზის საერთო მოცულობა შემცირებულია, საერთაშორისო ბირჟაზე ფასების მკვეთრი ზრდის ფონზე, მოსკოვის მიერ მიღებული შემოსავალი მნიშვნელოვნად აჭარბებს წინა წლის მონაცემებს. CREA-ს ანგარიშის თანახმად, ერთწლიან ჭრილში საშუალო საექსპორტო ფასები 60%-ითაა გაზრდილი, რაც, ცხადია, დადებითად აისახება რუსული ენერგოკომპანიების შემოსავლიანობაზე. ომის დაწყების შემდეგ, რამდენიმე ქვეყანამ საგრძნობლად გაზარდა რუსული ენერგორესურსების იმპორტი, მათ შორისაა: ჩინეთი, ინდოეთი და არაბთა გაერთიანებული საამიროები. აღსანიშნავია, რომ ევროკავშირის მიერ დამტკიცებული სანქციების რიგით მეექვსე პაკეტი რუსული ნავთობის იმპორტის ნაწილობრივ აკრძალვას ითვალისწინებს. ევროპარლამენტარების ვარაუდით, წლის ბოლომდე ზემოხსენებული სანქციების პაკეტი ევროკავშირის მიერ შესყიდული რუსული ნავთობის საერთო მოცულობას თითქმის 90%-ით შეამცირებას გამოიწვევს.
ილონ მასკი ტრამპთან ერთად ჩინეთში Air Force One-ით გაემგზავრება
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



