11 ივნისს კასპში „თბილისის გულის ცენტრის“ ექიმთა ჯგუფის მიერ კარდიოლოგიური პროფილის დაავადებების მქონე პირთა უფასო სამედიცინო მომსახურების აქცია გაიმართა.

აქცია მოიცავდა კარდიოლოგიური (გულის დაავადებები, არტერიული ჰიპერტენზია-წნევა) პროფილის 50 წელს გადაცილებულ პაციენტთა უფასო კონსულტაციებს და გამოკვლევებს (ექიმი-კარდიოლოგის კონსულტაცია, ელექტროკარდიოგრამა, ექოკარდიოგრაფია).
აქციის ფარგლებში, დღის განმავლობაში ექიმ კარდიოლოგებმა 104 პაციენტს ჩაუტარეს სამედიცინო გამოკვლევა.

კასპის მუნიციპალიტეტის მერმა ვახტანგ მაისურაძემ მადლობა გადაუხადა „თბილისის გულის ცენტრის“ დირექტორს არჩილ ჩახრუკიძეს, აქციის მონაწილე ექიმებს და ჩვენს თანაქალაქელს „თბილისის გულის ცენტრის“ ადმინისტრაციულ დირექტორს ზურაბ ნიპარიშვილს, რომლის უშუალო  ინიციატივითაც მოეწყო აღნიშნული აქცია.

„თბილისის გულის ცენტრის“ და კასპის მუნიციპალიტეტის მერიის მიერ დაიგეგმა სამომავლო აქცია. როგორც ვახტანგ მაისურაძემ აღნიშნა, მისთვის მნიშვნელოვანია მუნიციპალიტეტის მოსახლეობის ჯანმრთელობა და მსგავსი ღონისძიებების მხარდამჭერი და თანამდგომი ყოველთვის იქნება.

ავტორი: ექსპრესნიუსი,

სოციალური ქსელები

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს

Global Finance-მა BOG 2026 წლის საუკეთესო Sub-Custodian ბანკად დაასახელა ქვეყანაში

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე