2022-06-03 10:24:20, 1061 ნახვა

---

დავითაშვილი - საქართველოს განსაკუთრებული როლი გააჩნია, რომ ევროპის ეკონომიკურ უსაფრთხოებაში თავისი წვლილი შეიტანოს

ვიცე-პრემიერის, ლევან დავითაშვილის განცხადებით, გამოწვევები, რომლებიც, მათ შორის,  ეკონომიკური უსაფრთხოების თვალსაზრისით დგას მსოფლიოს წინაშე, დაძლეული უნდა იყოს საერთო ძალისხმევით. ამის შესახებ საქართველოს ეკონომიკისა და მდგრადი განვითარების მინისტრმა ბრატისლავაში,   GLOBSEC 2022 - ის  პანელზე „Europe's Addiction Problem: Russian Energy" განხილული საკითხების შეფასებისას მედიასთან ისაუბრა. ვიცე-პრემიერი სლოვაკეთში საქართველოს სამთავრობო დელეგაციის ვიზიტის ფარგლებში იმყოფება, რომელსაც ქვეყნის პრემიერ-მინისტრი ხელმძღვანელობს.

„მონაწილეობა ისეთ ღონისძიებებში, სადაც თავს იყრიან  ევროპის როგორც პოლიტიკური, ისე ბიზნესლიდერები და მათთან  მუდმივი კომუნიკაცია, საქართველოს გზავნილების პირველი წყაროდან მიტანა, საქართველოს პრიორიტეტულობის კიდევ ერთხელ წარმოჩენა და დაფიქსირება ძალიან მნიშვნელოვანია" - აღნიშნა ლევან დავითაშვილმა.

მისივე შეფასებით, დღეს ერთობის გარეშე არაფრის მიღწევა არ გამოვა და ერთობა ჭირდება როგორც საქართველოს, ისე ევროკავშირს. როგორც ლევან დავითაშვილმა აღნიშნა, საქართველოს განსაკუთრებული როლი გააჩნია იმისთვის, რომ ევროპის ეკონომიკურ უსაფრთხოებაში თავისი წვლილი შეიტანოს.

„რა თქმა უნდა, ჩვენი მთავარი აქცენტი კეთდება ამაზე, რომ ვიყოთ სოლიდარულები ამ პირობებში და მაქსიმალურად მობილიზებულები იმისთვის, რომ გამოწვევები, რომლებიც დღეს დგას უსაფრთხოების თვალსაზრისით და ეს უსაფრთხოება, დიდწილად ასევე დაკავშირებულია ეკონომიკურ უსაფრთხოებასთან, დაძლეული იყოს საერთო ძალისხმევით" - განაცხადა ეკონომიკისა და მდგრადი განვითარების მინისტრმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი