|
2022-05-25 13:14:21, 1098 ნახვა
ეკონომიკა
გაერო - უკრაინაში ომმა შესაძლოა 70-ზე მეტი ქვეყნის კრიზისი და დეფოლტი გამოიწვიოს
უკრაინის ომით გამოწვეული ან გამწვავებული კრიზისები სურსათის, საწვავის და ფინანსების მხრივ, საფრთხეს უქმნის ღარიბ ქვეყნებს და შესაძლოა, 70-ზე მეტი სახელმწიფოს დეფოლტი გამოიწვიოს, - ამის შესახებ გაეროს განვითარების პროგრამის ადმინისტრატორმა აჩიმ შტაინერმა დავოსში მსოფლიო ეკონომიკურ ფორუმზე განაცხადა. მისი თქმით, მაღალმა ინფლაციამ და საპროცენტო განაკვეთებმა შეიძლება გამოიწვიოს დეფოლტი 70-ზე მეტ ქვეყანაში. შრი-ლანკამ უკვე გამოაცხადა დეფოლტი მასობრივი საპროტესტო აქციების ფონზე. "ჩვენ ყველანაირად ვცდილობთ ვუპასუხოთ კრიზისის მასშტაბებს. ბევრ განვითარებად ეკონომიკას უბრალოდ არ აქვს ფული", - თქვა შტაინერმა. რუსეთი ბლოკავს უკრაინის პორტებს, ქმნის დეფიციტს და ზრდის ფასებს ისეთ ქვეყნებში, როგორიცაა ეგვიპტე, რომლებიც თითქმის მთლიანად იმპორტზეა დამოკიდებული. ამის ფონზე, წელს მარცვლეულის მსოფლიო ფასი 50%-ით გაიზარდა და რეკორდულ დონეს მიუახლოვდა. სიმინდი 32%-ით გაძვირდა, ხოლო სოიო 26%-ით. გარდა ამისა, ენერგორესურსები ძვირდება. ენერგორესურსების დეფიციტი კი, თავის მხრივ, აჩქარებს სურსათის ინფლაციას სასუქების გაძვირების გამო, რომლის წარმოებაშიც ბუნებრივი აირი გამოიყენება. ენერგიის, საკვებისა და ვალების „სამთავიანი ჰიდრა“ „მოიწვევს მრავალ განვითარებად ქვეყანაში საყოფაცხოვრებო შემოსავლების და საჯარო სერვისების კოლაფსს“, - თქვა მარკ მალოქ-ბრაუნმა, ღია საზოგადოების ფონდების პრეზიდენტმა. შეგახსენებთ, გაეროს გენერალურმა მდივანმა განაცხადა, რომ უკრაინის ომმა გლობალური სასურსათო კრიზისი გამოიწვია , რომელიც შეიძლება წლების განმავლობაში გაგრძელდეს, თუ არ შეჩერდა.
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



