რუსეთის პრეზიდენტი ვლადიმერ პუტინი იმდენად პირადად არის ჩართული უკრაინის ომში, რომ ოპერატიულ და ტაქტიკურ გადაწყვეტილებებს იღებს "პოლკოვნიკის დონეზე", წერენ The Guardian და Times დასავლურ სამხედრო წყაროებზე დაყრდნობით.

მათი თქმით, რუსეთის პრეზიდენტი „ეხმარება დონბასში ძალების გადაადგილების დადგენას“, სადაც გასულ კვირას რუსული ჯარები წარუმატებლად ცდილობდნენ მდინარე სევერსკი დონეცის იძულებით გადაკვეთას, პუტინი ასევე „ახლაც მჭიდროდ თანამშრომლობს“ რუსეთის ფედერაციის გენერალური შტაბის უფროსთან ვალერი გერასიმოვთან.

„ჩვენ გვჯერა, რომ პუტინი და გერასიმოვი ჩართულნი არიან ტაქტიკურ გადაწყვეტილების მიღებაში იმ დონეზე, რაც ჩვეულებრივ მოსალოდნელია პოლკოვნიკისგან ან ბრიგადის გენერლისგან“, - ციტირებს ორივე გაზეთი მათ წყაროს.

The Times აღნიშნავს, რომ, მიუხედავად გავრცელებული ინფორმაციისა, ვალერი გერასიმოვი, სავარაუდოდ, სარდლობიდან იქნა მოხსნილი, ის აგრძელებს გადაწყვეტილებების მიღებას სამხედრო ოპერაციებზე.

ბრიტანეთის არმიის ყოფილი ბრიგადის გენერალი და სტრატეგიული კვლევების საერთაშორისო ინსტიტუტის სახმელეთო ომის ექსპერტი ბენ ბარი თვლის, რომ სახელმწიფოს მეთაურს უფრო მნიშვნელოვანი საქმეები უნდა ჰქონდეს, ვიდრე სამხედრო გადაწყვეტილებების მიღება. მისი თქმით, „მათ უნდა განსაზღვრონ პოლიტიკური სტრატეგია და არ ჩაიძირონ ყოველდღიურ საქმიანობაში“.

21 აპრილს, თავდაცვის მინისტრ სერგეი შოიგუსთან სამუშაო შეხვედრისას, პუტინმა ბრძანა მარიუპოლში აზოვსტალის ინდუსტრიულ ზონაზე თავდასხმის გაუქმება. მიუხედავად ამ განცხადებისა, რუსეთის ჯარებმა მაისის დასაწყისში დაიწყეს იერიში აზოვსტალის ქარხნის ტერიტორიაზე.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა