|
2022-05-17 11:35:18, 1272 ნახვა
ეკონომიკა
ქართული ღვინო გერმანიაში, საერთაშორისო გამოფენაზეა წარდგენილი
ღვინის ეროვნული სააგენტოს მხარდაჭერითა და ასოციაციის „ქართული ღვინო" ორგანიზებით, გერმანიის ქალაქ დიუსელდორფში, გამოფენაზე „ProWein-2022" ქართული ღვინის 24 კომპანიის სხვადასხვა დასახელების ღვინოებია წარმოდგენილი. აღნიშნულის შესახებ ინფორმაციას ღვინის ეროვნული სააგენტო ავრცელებს. სააგენტოს ცნობით, ღვინისა და ალკოჰოლიანი სასმელების ერთ-ერთ ყველაზე მნიშვნელოვან საერთაშორისო გამოფენაზე, სამი დღის განმავლობაში, ღვინის პროფესიონალებს, ექსპერტებს, მედიის წარმომადგენლებსა და გამოფენის სტუმრებს ქართული ღვინის გაცნობისა და შეფასების შესაძლებლობა აქვთ. ღვინის საექსპორტო ბაზრების დივერსიფიკაციისა და გაყიდვების ზრდისთვის, გამოფენაში „ProWein" მონაწილეობას განსაკუთრებული მნიშვნელობა ენიჭება. გამოფენის ფარგლებში, პრესტიჟული გერმანული მედია ჰოლდინგის „Meininger" სტენდთან, ქართული ღვინის დეგუსტაცია-სემინარი „საქართველო - ღვინის სამშობლო" გაიმართა, რომელსაც სომელიე და ღვინის ექსპერტი ინგე მაინცერი (Inge Mainzer) უძღვებოდა. აღნიშნული ღონისძიება კიდევ ერთი უმნიშვნელოვანესი ნაბიჯია ქართული ღვინის ცნობადობის გასაზრდელად როგორც გერმანიაში, ისე ზოგადად ევროპაში. გამოფენას საქართველოს გენერალური კონსული გერმანიის ფედერაციულ რესპუბლიკაში, გიორგი ტაბატაძე დაესწრო. გამოფენის მიმდინარეობისას, ღვინის ეროვნული სააგენტოს და კომპანიების წარმომადგენლებმა საქმიანი შეხვედრები და მოლაპარაკებები გამართეს ღვინის იმპორტიორებთან, სავაჭრო ქსელებისა და მედიის წარმომადგენლებთან, ღვინის პროფესიონალებთან და ექსპერტებთან როგორც გერმანიიდან, ისე მსოფლიოს სხვადასხვა ქვეყნიდან. „ღვინის ეროვნული სააგენტოს საქმიანობის ძირითადი მიზანია ბაზრების დივერსიფიკაცია. გერმანია ქართული ღვინის სტრატეგიულ ბაზარია, სადაც ქართული ღვინის ცნობადობის გაზრდის მიზნით, 2021 წლიდან ვთანამშრომლობთ ადგილობრივ მარკეტინგულ გერმანული კომპანიასთან „ff.k Public Relations", რაც ქართულ ღვინის კომპანიებს გერმანიის ბაზარზე გაყიდვების გაზრდაში ეხმარება. ევროპაში ღვინის უდიდეს იმპორტიორ ქვეყანაში, გერმანიაში, გასულ წელს საქართველოდან 900 ათასამდე ბოთლი ღვინის ექსპორტი განხორციელდა. აღნიშნულ ქვეყანაში ექსპორტის ზრდის ტენდენცია შენარჩუნებულია მიმდინარე წელსაც", - აღნიშნა ღვინის ეროვნული სააგენტოს მარკეტინგისა და საზოგადოებასთან ურთიერთობის დეპარტამენტის უფროსმა, თამარ მეტრეველმა. ქართული ღვინის მწარმოებელი კომპანიების წარმომადგენლების შეფასებით, „ProWein" ერთ-ერთი საუკეთესო შესაძლებლობაა ახალი სავაჭრო პარტნიორების მოზიდვის, ღვინის გაყიდვების ზრდისა და საექსპორტო ბაზრების გაფართოებისთვის.
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



